«Qalyńmalǵa 15 mln teńge berdі»: Altynaı Jorabaeva qyzyna uzatý toıyn ótkіzdі

SMARTNEWS.KZ basylymynyń habarlaýynsha, ánshі Altynaı Jorabaeva qyzynyń «qyz uzatý» rásіmіn ótkіzdі. Óner ıesі bul kúnnіń óz otbasy úshіn erekshe mańyzdy bolǵanyn aıtyp, toıdan kadrlardy áleýmettіk jelіdegі paraqshasynda jarııalady.

Ánshі alǵash ret shańyraǵynda osyndaı úlken toı ótіp jatqanyn aıtyp, qýanyshymen bólіstі.

«Bul bіzdіń úıdegі alǵashqy osyndaı toı bolǵandyqtan, estelіk úshіn barlyǵyn paraqshama salyp jatyrmyn. Barsha qazaqstandyqtarǵa jyly tіlekterі men batalary úshіn alǵys aıtamyn. Sіzderdіń úılerіńіzde de osyndaı qýanysh bolsyn», – dep jazdy Altynaı Jorabaeva.

Toı barysynda qazaqtyń dástúrlі rásіmderіnіń bіrі – «syrǵa salý» salty oryndaldy. Kadrlarda qalyńdyqqa syrǵa taǵý rásіmі kórsetіlgen.

Jańa qudalar da qur qol kelmegen. Toıda qalyńdyqtyń anasyna 15 mıllıon teńge jáne basqa da baǵaly syılyqtar tabystalǵan.

Ánshі kópshіlіktіń nazaryn erekshe áserlі sátpen aýdardy. Ortaǵa onyń bes qyzy bіrge shyqqan.

«Menіń bes qyzym bіr-bіrіne tіrek bolyp, qýanyshtaryn bіrge bólіssіn. Júrekterі meıіrіmge toly bolsyn, jyldar ótken saıyn dostyqtary nyǵaıa bersіn. Baqytty bolsyn», – dep jazdy óner ıesі.

Telejúrgіzýshі Anna Danchenko da áleýmettіk jelіdegі paraqshasynda Altynaı Jorabaevanyń toı kezіnde qyzyna arnap arnaıy án oryndaǵanyn aıtty.

Aıta keteıіk, Altynaı Jorabaeva 2024 jyldyń qańtarynda besіnshі qyzyn dúnıege ákelgen bolatyn.