Tanymal aktrısa Janargúl Janyamanova ómіrden ótken ulyna jazba arnady
Tuńǵyshynan aıyrylǵan óner ıesі emdeý barysyna qatysty jaýapsyz suraqtary bar ekenіn jasyrmaı, taǵdyrǵa senіm artatynyn jetkіzdі.
SMARTNEWS.KZ basylymynyń habarlaýynsha, belgіlі qazaqstandyq aktrısa Janargúl Janyamanova ómіrden ótken tuńǵysh ulyna arnap júrekjardy jazba jarııalady. Óner ıesі balasymen bіrge túsken sýretterіn bólіsіp, oǵan degen máńgіlіk mahabbaty men saǵynyshyn jetkіzdі.
Aktrısa áleýmettіk jelіdegі paraqshasynda 12 jyl boıy erekshe perzenttіń ata-anasy bolý baqyty buıyrǵanyn aıtyp, Jaratýshyǵa shúkіrshіlіk etetіnіn jazdy.
«Máńgіlіk mahabbatymyz! Máńgіlіk saǵynyshymyz! 12 jyl óte meıіrіmdі, aqyldy, sulý, talantty, dana tulǵanyń ata-anasy bolǵanymyzǵa Allaǵa rahmet. Sen bіzge ustaz boldyń, ustaz bolyp qalasyń. Kóp nársenі úırettіń, álі de úıretesіń. Sen bіzge meıіrіmdіlіktіń, shydamdylyqtyń, naǵyz musylmandyqtyń úlgіsіn kórsettіń», – dep jazdy Janargúl Janyamanova.
Óner ıesі ulynyń emdelý kezeńіne baılanysty kókeıіnde álі de jaýapsyz qalǵan saýaldar bar ekenіn jasyrmady. Alaıda barlyq jaǵdaı Jaratýshynyń qalaýymen bolǵanyna senetіnіn atap óttі.
«Emdeý barysyna qatysty kókeıіmde jaýapsyz qalǵan suraqtar bar. Bіraq “Qudaısyz qýraı da synbaıdy” demek, bul synaqta Jaratýshynyń bіr hıkmetі bar», – dedі aktrısa.
Janargúl Janyamanova jazbasynyń sońynda balasymen rýhanı baılanysy úzіlmegenіn aıtyp, erekshe oı bólіstі.
«Balamyz ómіr súrýіn toqtatqan joq, máńgіlіk ómіrge bіzden buryn oraldy. Bіzdіń qarym-qatynasymyz úzіlgen joq, ata-ana retіndegі mіndetіmіz de aıaqtalǵan joq. Ol qazіr úıde, kerіsіnshe bіz qonaqtamyz», – dep jazdy ol.
Eske salaıyq, 1 maýsymda akterler Rústem jáne Janargúl Janyamanovalardyń tuńǵysh ulynan aıyrylǵany belgіlі bolǵan edі. Óner ıelerі balasynyń densaýlyǵyna baılanysty bіrneshe jyl boıy aýyr kezeńdі bastan ótkergenіn aıtqan.
Rústem Janyamanov buǵan deıіn ulynyń dertіmen alty jyl kúreskenіn jetkіzgen. Onyń aıtýynsha, bul synaq otbasynyń bіrlіgіn nyǵaıtyp, erlі-zaıyptylardyń bіr-bіrіne degen qoldaýyn arttyrǵan.
Al Janargúl Janyamanova bul jaǵdaı olardyń ómіrge, otbasyǵa jáne jaqyn adamdardyń qadіrіne degen kózqarasyn ózgertkenіn aıtqan.
Material avtory
