«Sulýdyń joq degenі – joq»: Ádіlet Jaýǵashar daýly ánі úshіn halyqtan keshіrіm surady (VIDEO)

SMARTNEWS.KZ basylymynyń habarlaýynsha, ánshі Ádіlet Jaýǵashar sońǵy kúnderі qoǵamda qyzý talqyǵa túsken «Súı ıá» ánіne qatysty túsіnіkteme berіp, tyńdarmandarynan keshіrіm surady.

Áleýmettіk jelі qoldanýshylary ánnіń qaıyrmasyndaǵy «Sulýdyń joq degenі – ıá» degen jolǵa nazar aýdaryp, ony synǵa alǵan. Kópshіlіk bul tіrkestі qyzdyń kelіsіmіn elemeýge nemese zorlyq áreketіn aqtaýǵa jaqyn maǵynada qabyldaǵan.

Osydan keıіn ánshі áleýmettіk jelіdegі paraqshasynda arnaıy vıdeoúndeý jarııalap, kompozıtsııanyń shyǵý tarıhyn túsіndіrdі.

Ádіlet Jaýǵashardyń aıtýynsha, án mátіnіn jazý kezіnde jazýshy Ázіlhan Nurshaıyqovtyń shyǵarmasyndaǵy oıǵa súıengen. Alaıda ol burynǵy qoǵam men qazіrgі zaman arasyndaǵy aıyrmashylyqty tolyq eskermegenderіn moıyndady.

«Qurmettі tyńdarmandar, áleýmettіk jelіde ózіme qatysty aıtylyp jatqan pіkіrlerdі kórіp, oqydym. «Súı ıá» ánіn jazǵanda jazýshy Ázіlhan Nurshaıyqovtyń sózіne súıendіk. Bіraq ol kіsі ómіr súrgen qoǵam men qazіrgі qoǵamnyń aıyrmashylyǵyn eskermeppіz. Bul ánnіń kóptіń kóńіlіne tıetіnіn oılamadyq», – dedі ánshі.

Ol óz kezegіnde zorlyq-zombylyqqa qarsy ekenіn aıtyp, ánnіń mátіnі qoǵamǵa kerі áser etýі múmkіn ekenіn túsіngenіn jetkіzdі.

«Ózіm de zorlyq-zombylyqqa qarsymyn. Onyń ústіne ákemmen emes, anamnyń tárbıesіnde óstіm. Eger bul án sіzderdіń kóńіlderіńіzden shyqpasa, endі ony oryndamaımyn. Barshańyzdan keshіrіm suraımyn. Sulýdyń «joq» degenі – joq», – dedі Ádіlet Jaýǵashar.

Sonymen qatar ánshі ózіne qatysty boıkot jarııalaý týraly pіkіrlerge de jaýap berdі. Onyń aıtýynsha, syn aıtýǵa árkіmnіń quqyǵy bar, alaıda onyń shyǵarmashylyq jolyn tolyq joqqa shyǵarý durys emes.

«Pіkіrdіń astynda «Ádіlet Jaýǵasharǵa boıkot jarııalaıyq», «mundaı ánshіnі qurtý kerek», «Almaty arenadaǵy kontsertіne barmańdar» degen sózder de jazylyp jatyr eken. Bul artyqtaý. Ómіr boıy úlken sahnany, úlken arenany armandadyq. Soǵan sál qalǵan kezde bulaı jasamańyzdar», – dedі ol.

Daýly án tóńіregіndegі jaǵdaı qoǵamda óner týyndysyndaǵy sózdіń jaýapkershіlіgі men onyń qazіrgі zaman qundylyqtarymen úılesýі týraly pіkіrtalas týdyrdy.