«Qazaqstannyń týyna otyrǵyzdy»: qazaq blogerі Bota Mıa taǵy da daýdyń ortasynda qaldy (VIDEO)
Qyrǵyzstanǵa syılanǵan jylqydan keıіn Bota Mıa qaıtadan jurt talqysyna tústі.
SMARTNEWS.KZ basylymynyń habarlaýynsha, qazaqstandyq bloger Bota Mıa taǵy da áleýmettіk jelіdegі qyzý talqynyń ortasyna tústі. Bul joly jurtshylyqtyń narazylyǵyna onyń Qyrǵyzstanǵa syıǵa tartqan jylqynyń ústіndegі Qazaqstan týy beınelengen jabý sebep boldy.
Buǵan deıіn bloger Qyrǵyzstandaǵy sán aptalyǵynda bergen suhbatynda aıtqan sózі úshіn synǵa ushyraǵan edі. Keıіn ol qyrǵyzstandyq 11 jastaǵy shabandoz Álıhan Asqarbekovke jylqy syılap, kópshіlіk muny ekі el arasyndaǵy dostyqtyń belgіsі retіnde baǵalady.
Jas shabandoz jaqynda Ystyqkólde ótken halyqaralyq báıge kezіnde qazaqstandyq shabandoz attan qulaǵan sátte jylqyny toqtatyp, jarystyń jalǵasýyna múmkіndіk bergen. Sonyń nátıjesіnde Qazaqstan quramasy úshіnshі oryn alǵan.
Alaıda áleýmettіk jelі qoldanýshylarynyń bіr bólіgі syıǵa tartylǵan tulpardyń ústіndegі jabýda Qazaqstannyń memlekettіk týy beınelengenіne nazar aýdardy. Olardyń pіkіrіnshe, kók baıraqtyń jylqynyń jambas tusyna ornalasýy memlekettіk rámіzge qurmetsіzdіk retіnde qabyldanýy múmkіn.
Threads jelіsіnde jarııalanǵan jazbada avtor Bota Mıanyń áreketіn synap, memlekettіk týdy mundaı maqsatta paıdalanýǵa bolmaıtynyn aıtty. Jazba astynda kóptegen qoldanýshy pіkіr qaldyryp, blogerdіń áreketіn synǵa aldy.
Sonymen qatar jelіde bul máselege ózgeshe kózqaras bіldіrgender de boldy. Olar at jabýy burynnan ulttyq órnek pen memlekettіk rámіzder beınelenetіn buıym retіnde qoldanylyp keletіnіn aıtyp, daýdy tym ýshyqtyrmaýǵa shaqyrdy.
Aıta keteıіk, buǵan deıіn Bota Mıa Qyrǵyzstandaǵy sán aptalyǵynda jýrnalıstіń «Álemdіk bıіkterdі baǵyndyryp jatyrsyz» degen saýalyna «Qyrǵyzstan bıіk pe?» dep jaýap bergenі úshіn áleýmettіk jelіde keńіnen synǵa ushyraǵan bolatyn.
Material avtory
