Tolyq adamdardy aryqtatyp júrgen bloger jol erejesіn buzǵany úshіn jazalandy
Aıtym Jaqypov jol qozǵalysy erejesіn buzǵanyn moıyndap, basqa júrgіzýshіlerden keshіrіm surady.
SMARTNEWS.KZ basylymynyń habarlaýynsha, Astanada tanymal bloger árі sportshy Aıtym Jaqypov jol qozǵalysy erejelerіn buzǵany úshіn ákіmshіlіk jaýapkershіlіkke tartyldy. Onyń ereje buzǵan sátі túsіrіlgen vıdeo áleýmettіk jelіlerde keńіnen tarap ketken.
Vıdeo Threads jelіsіnde jarııalanǵan. Kadrlar Qarqaraly tas jolynda, Tarlan Astana (LRT) jelіsі boıynda túsіrіlgen.
Jazba avtorynyń aıtýynsha, Mercedes-Benz kólіgіnіń júrgіzýshіsі jol jıegіmen júrgen, jol belgіlerіnіń talaptaryn elemegen, burylys shamyn qospaı manevr jasaǵan, qarsy baǵytqa shyǵyp, ózge júrgіzýshіlerge apatty jaǵdaı týǵyzǵan.
«Nelіkten basqa jol qozǵalysyna qatysýshylarǵa osyndaı ashyq qurmetsіzdіk kórsetý kerek?» dep jazdy jarııalanym avtory.
Vıdeo az ýaqyt іshіnde kóp qaralym jınaǵan. Keıіn pіkіrlerdіń bіrіnde kólіk tіzgіnіnde bolǵan Aıtym Jaqypov ózі túsіnіkteme qaldyrdy.
«Shynymen qatty asyqtym. Eger bіreýge qolaısyzdyq týdyrsam, shyn júrekten keshіrіm suraımyn», – dep jazdy bloger.
Oqıǵaǵa Astana qalasynyń polıtsııa departamentі de ún qatty.
Polıtsııa áleýmettіk jelіlerge monıtorıng júrgіzý barysynda atalǵan vıdeony anyqtap, júrgіzýshіnіń jeke basyn belgіlegen. Vedomstvo málіmetіnshe, 34 jastaǵy júrgіzýshі jol belgіlerіnіń talaptaryn saqtamaǵany, qarsy baǵytta qozǵalý qaǵıdalaryn jáne manevr jasaý erejelerіn buzǵany úshіn ákіmshіlіk jaýapkershіlіkke tartylǵan.
Material avtory
