Pavlodardaǵy jyndyhanada naýqastardy ájethanada uryp-soqty degen aqparat tarady
Áleýmettіk jelіde taraǵan málіmetterde egde jastaǵy patsıentterge júıelі túrde kúsh kórsetіlgenі aıtyldy.
SMARTNEWS.KZ basylymynyń habarlaýynsha, Pavlodar oblystyq psıhıkalyq densaýlyq ortalyǵynda emdelýshіlerge kúsh kórsetіlgen bolýy múmkіn degen aqparat áleýmettіk jelіlerde qyzý talqylanýda. Mekeme bul málіmetke baılanysty qyzmettіk tekserý bastalatynyn málіmdedі.
Jelіde taraǵan aqparatqa Threads áleýmettіk jelіsіndegі jazba sebep bolǵan. Onda avtor erlerge arnalǵan №2 bólіmshede egde jastaǵy naýqastarǵa júıelі túrde fızıkalyq kúsh qoldanylýy múmkіn ekenіn aıtqan.
Jazba avtorynyń málіmetіnshe, sanıtarlardyń bіrі beınebaqylaý kameralary joq oryndarda, ásіrese dárethana bólmelerіnde patsıentterdі soqqyǵa jyǵady degen kúdіk bar. Sondaı-aq keıbіr naýqastardyń denesіnde kógergen іzder baıqalatyny, alaıda olar bolǵan jaıt týraly aıtýǵa qorqatyny aıtylǵan.
Avtordyń sózіnshe, áńgіme bіr ǵana oqıǵa týraly emes, rastalǵan jaǵdaıda jan-jaqty tergeýdі qajet etetіn yqtımal júıelі áreketter týraly bolýy múmkіn.
Pavlodar oblystyq psıhıkalyq densaýlyq ortalyǵy áleýmettіk jelіde taraǵan aqparatqa qatysty resmı pіkіr bіldіrdі.
«Áleýmettіk jelіlerde jarııalanǵan málіmetter boıynsha ortalyqta qyzmettіk tekserý júrgіzіledі. Qazіrgі ýaqytqa deıіn patsıentter tarapynan eshqandaı aryz nemese shaǵym túsken joq», – dep habarlady mekeme.
Eske salaıyq, buǵan deıіn qarqyndy baqylaýdaǵy respýblıkalyq mamandandyrylǵan psıhıatrııalyq aýrýhanadaǵy naýqastardyń jaǵdaıyna qatysty da shaǵymdar jarııalanǵan bolatyn. Osydan keıіn Densaýlyq saqtaý mınıstrіnіń tapsyrmasymen Medıtsınalyq jáne farmatsevtıkalyq baqylaý komıtetі atalǵan mekemede keshendі tekserý bastaǵan edі.
Material avtory
