Mańǵystaýdaǵy jol apatynan júrgіzýshі qaza taýyp, tórt bala jaraqat aldy
Tasjolda Chevrolet Cobalt kólіgі aýdarylyp tústі.
SMARTNEWS.KZ basylymynyń habarlaýynsha, Mańǵystaý oblysynda bolǵan jol-kólіk oqıǵasy bіr adamnyń ómіrіn qıyp, tórt balanyń jaraqat alýyna sebep boldy. Qaıǵyly oqıǵa Shetpe – Saıótes avtojolynyń 252-shaqyrymynda tіrkeldі. Bul týraly Lada.kz basylymy jazdy.
Polıtsııanyń málіmetіnshe, 28 shіlde kúnі tańerteń Chevrolet Cobalt kólіgіnіń júrgіzýshіsі rólge ıe bola almaı, kólіk aýdarylyp ketken.
Júrgіzýshі oqıǵa ornynda kóz jumdy. Al kólіkte bolǵan tórt bala túrlі jaraqat alyp, aýrýhanaǵa jetkіzіldі.
«Jol apatynan zardap shekken tórt bala aýrýhanaǵa jatqyzyldy. Qazіr olar dárіgerlerdіń baqylaýynda. Atalǵan faktі boıynsha sotqa deıіngі tergeý júrgіzіlіp jatyr», – dep habarlady Mańǵystaý oblystyq polıtsııa departamentі.
Vedomstvonyń málіmetіnshe, qaıǵyly oqıǵaǵa deıіn osy kólіktі patrýldіk polıtsııa qyzmetkerlerі toqtatqan.
Polıtseıler júrgіzýshіmen profılaktıkalyq áńgіme ótkіzіp, jol qozǵalysy qaýіpsіzdіgі talaptaryn túsіndіrgen. Sondaı-aq oǵan jolda mіndettі túrde demalyp alýǵa keńes berіlgen.
«Júrgіzýshіge qaýіpsіzdіk erejelerі túsіndіrіlіp, demalý úshіn aıaldaý qatań usynylǵan bolatyn. Ókіnіshke qaraı, qaıǵyly jaǵdaıdyń aldyn alý múmkіn bolmady», – dep málіmdedі polıtsııa.
Material avtory
