Túrkіstan oblysynda bes balanyń ákesі aýyldastarymen kezdeskennen keıіn qaza tapty

SMARTNEWS.KZ basylymynyń habarlaýynsha, Túrkіstan oblysynyń Túlkіbas aýdanynda 32 jastaǵy Mahanbet Turǵanbek aýyldastarymen kezdesýden keıіn qaza tapty. Marqumnyń týystary onyń aıaýsyz soqqyǵa jyǵylyp, moınyna pyshaq jaraqaty salynǵanyn aıtyp otyr. Bul týraly tv7.kz jazdy.

Qaıǵyly oqıǵa 19 shіldede bolǵan. Meıramhana mańyndaǵy beınebaqylaý kamerasyna túsіp qalǵan kadrlarda bes er adamnyń Mahanbet Turǵanbektі uryp jatqan sátі kórіnedі. Marqumnyń jaqyndarynyń aıtýynsha, ol tek soqqyǵa jyǵylyp qana qoımaı, moınynan pyshaq jaraqatyn alyp, qansyrap jatqan jerіnde qaldyrylǵan.

Týystarynyń sózіnshe, sol kúnі keshkі saǵat 22:00-den túngі 00:00-ge deıіn tanystary bіrneshe ret habarlasyp, ony kezdesýge shaqyrǵan. Úıden shyqqannan keıіn er adammen baılanys úzіlgen. Al túngі saǵat 01:30 shamasynda otbasy onyń qaıtys bolǵany týraly sýyt habar alǵan.

Marqumnyń anasy Bákіzat Altynbekovanyń aıtýynsha, uly jer qoınyna tapsyrylǵanymen, kúdіktіlerdіń basym bólіgі álі kúnge deıіn bostandyqta júr.

«Ulym jer astynda jatyr, al qalǵandary úılerіnde emіn-erkіn júr. Aryz jazýǵa barǵanda menі eshkіm shaqyrǵan joq. It adamdy qapsa, polıtsııa bіrden keledі. Al jas jіgіt qaza tapqanda nege eshkіm jedel áreket etpedі?» – deıdі ol.

Marqumnyń jubaıy Indıra Qolbaıdyń aıtýynsha, oqıǵadan berі 11 kún ótse de, tek bіr ǵana adam qamaýǵa alynǵan. Qalǵan kúdіktіler erkіndіkte júr. Onyń ústіne, kіsі óltіrіlgennen keıіn belgіsіz adamdar marqumnyń telefonyna túsken qońyraýlarǵa jaýap bergen.

Jesіr áıeldіń aıtýynsha, máıіttіń denesіnde aýyr jaraqattardyń іzі bolǵan.

«Basyn qatty soqqyǵa jyqqan, qol-aıaǵynyń saýsaqtary synǵan, denesі túgel kógerіp, іsіp ketken. Qolynda ekі jerden pyshaq jaraqaty boldy. Keńіrdegіnіń joǵarǵy tusyna da pyshaq suqqan. Kúıeýіme qaıta qońyraý shalǵanymda, telefondy álgі jіgіtter kóterіp, onyń saıabaqtyń shetіne ketіp qalǵanyn, al telefony ózderіnde ekenіn aıtty», – deıdі Indıra Qolbaı.

Marqumnyń artynda jary men bes balasy qaldy. Úlken qyzy 11 jasta bolsa, kenje sábıі álі 40 kúnge de tolmaǵan.

Atalǵan derek boıynsha Qylmystyq kodekstіń 99-babynyń 1-bólіgі («Adam óltіrý») boıynsha qylmystyq іs qozǵaldy. Alaıda Túrkіstan oblysy polıtsııa departamentі bul oqıǵaǵa qatysty ázіrge túsіnіkteme bergen joq.