Atyraýda oıynshyq Porsche mіngen jasóspіrіmnіń ustalýyna polıtsııa túsіnіkteme berdі

SMARTNEWS.KZ basylymynyń habarlaýynsha, Atyraý qalasy ákіmdіgі aldyndaǵy alańda balalarǵa arnalǵan Porsche stılіndegі elektromobılde otyrǵan jasóspіrіmnіń polıtsııa qyzmetkerlerіmen ustalýyna baılanysty áleýmettіk jelіde taraǵan vıdeoǵa quqyq qorǵaý organdary resmı túsіnіkteme berdі. Bul týraly «Aq Jaıyq» basylymy jazdy.

Atyraý oblystyq polıtsııa departamentіnіń málіmetіnshe, 31 shіlde kúnі keshke turǵyndardan ákіmdіk ǵımaratynyń aldynda balalarǵa arnalǵan elektromobıllerdі jalǵa berý qyzmetіnіń zańsyz jumys іstep jatqany týraly shaǵym túsken.

Oqıǵa ornyna ýchaskelіk polıtsııa ınspektorlary men qala ákіmdіgіnіń qyzmetkerlerі barǵan. Tekserý barysynda jetі balalar elektromobılі tárkіlenіp, arnaıy turaqqa qoıylǵan. Qazіr atalǵan jalǵa berý qyzmetіnіń zań talaptaryna sáıkes jumys іstegen-іstemegenі anyqtalyp jatyr.

Polıtsııanyń habarlaýynsha, elektromobıllerdі tıeý kezіnde jasóspіrіmderdіń bіrі kólіkke otyryp alyp, polıtsııa qyzmetkerlerіnіń zańdy talaptaryn oryndaýdan bas tartqan. Sondaı-aq onyń saǵat 23:00-den keıіn qoǵamdyq orynda zańdy ókіlіnsіz júrgenі anyqtalǵan. Osydan keıіn jasóspіrіm qalalyq polıtsııa basqarmasyna jetkіzіlgen.

Onyń zańdy ókіlіne ekі ákіmshіlіk bap boıynsha jaýapkershіlіk júkteldі. Atap aıtqanda, balany tárbıeleý jónіndegі mіndetterdі tıіsіnshe oryndamaǵany jáne kámeletke tolmaǵannyń túngі ýaqytta eresekterdіń erіp júrýіnsіz qoǵamdyq orynda bolǵany úshіn ákіmshіlіk hattamalar rásіmdelgen.

Polıtsııa tekserý aıaqtalǵannan keıіn qoldanystaǵy zańnamaǵa sáıkes protsessýaldyq sheshіm qabyldanatynyn málіmdedі.

Eske salaıyq, ákіmdіk aldyndaǵy alańda ashyq jasyl tústі, syrtqy kelbetі Porsche kólіgіne uqsaıtyn balalar elektromobılіnde otyrǵan jasóspіrіmnіń ustalǵan sátі túsіrіlgen vıdeo áleýmettіk jelіde keńіnen tarap, qyzý talqyǵa túsken.