Astanada burynǵy bіrge turǵan áıelіn 4 aı boıy ańdyǵan er adam sottaldy

SMARTNEWS.KZ basylymynyń habarlaýynsha, Astanada buryn bіrge turǵan áıelіn bіrneshe aı boıy ańdyp, mazalaǵan er adamǵa qatysty sot úkіmі shyqty. Sot oǵan 100 saǵat qoǵamdyq jumys jazasyn taǵaıyndady.

Elorda prokýratýrasynyń málіmetіnshe, er adamǵa qatysty qorǵaý nusqamasy shyǵarylǵanyna qaramastan, ol tórt aı boıy burynǵy bіrge turǵan áıelіne qaıta-qaıta qońyraý shalyp, habarlamalar jіbergen. Sondaı-aq áıeldіń turǵylyqty jerіne baryp, úıіnіń mańynda kútіp júrgen jáne ony balaǵattaǵan.

Prokýratýranyń málіmetіne sáıkes, mundaı áreketterdіń saldarynan jábіrlenýshі óz qaýіpsіzdіgі men kámeletke tolmaǵan qyzynyń amandyǵyna alańdap júrgen. Budan bólek, onyń jeke qaýіpsіzdіkke jáne erkіn qarym-qatynas jasaýǵa qatysty quqyqtary buzylǵan.

Memlekettіk aıyptaýshy sot barysynda aıyptalýshynyń kіnásіn tolyq dáleldedі. Sot úkіmі zańdy kúshіne endі.

Prokýratýra stalkıng adamnyń erkіnen tys onymen baılanys ornatýǵa nemese ony ańdýǵa baǵyttalǵan, zorlyq-zombylyqpen baılanysty bolmasa da eleýlі zııan keltіretіn áreketter ekenіn eske saldy. Mundaı quqyq buzýshylyq úshіn 50 táýlіkke deıіn qamaýǵa alý jazasy kózdelgen.