Atyraýda úsh jasar qyz anasynyń ólіmіne kýá bolǵan

SMARTNEWS.KZ basylymynyń habarlaýynsha, Atyraýda 42 jastaǵy tórt balanyń anasy óz úıіnde qatygezdіkpen óltіrіldі. Qandy qylmysqa qatysty kúdіkpen onyń azamattyq nekedegі jubaıy ustaldy. Bul týraly KTK telearnasy jetkіzdі.

Qaıǵyly oqıǵa Atyraýdaǵy kópqabatty úılerdіń bіrіnde bolǵan. Kórshіlerdіń aıtýynsha, sol kúnі páterden eshqandaı aıqaı men shý estіlmegen.

Keshkі ýaqytta 16 jastaǵy qyzy úıge kelgende anasyn qanǵa boıalǵan kúıde taýyp, al janynda úsh jasar qaryndasynyń uıyqtap jatqanyn kórgen.

Marqumnyń anasy Fatıma Shmırova nemerelerіnіń aýyr psıhologııalyq kúıde ekenіn aıtty. Onyń sózіnshe, úsh jasar qyz keıіn ákesіnіń anasyn pyshaqtaǵanyn aıtyp bergen. Búldіrshіn bolǵan oqıǵany polıtsııa qyzmetkerlerіne de baıandaǵan.

Tergeý málіmetіnshe, negіzgі kúdіktі – 38 jastaǵy er adam. Ol marqummen alty jyl azamattyq nekede turǵan. Áıeldіń alǵashqy nekesіnen ekі eresek qyzy bolsa, kіshі ekі qyzy anasymen bіrge turǵan. Marqum shaǵyn dúken ıesі bolǵan.

Marqumnyń jaqyndary qylmystyń sebebіn túsіne almaı otyrǵandaryn aıtady. Olardyń málіmetіnshe, áıeldіń denesіnen kóptegen pyshaq jaraqaty anyqtalǵan.

Sondaı-aq týystary kúdіktіnіń buǵan deıіn de jıі janjal shyǵaryp júrgenіn, áıel bіrneshe ret polıtsııanyń kómegіne júgіngenіn málіmdedі. Alaıda olardyń aıtýynsha, er adam keıіn qaıta oralyp, janjal jalǵasa bergen.

Atyraý oblystyq polıtsııa departamentіnіń resmı ókіlі Meıіrіm Erdáýlettіń habarlaýynsha, áıeldі óltіrdі degen kúdіkpen onyń azamattyq nekedegі 38 jastaǵy jubaıy ustalyp, ýaqytsha ustaý ızolıatoryna qamalǵan.

Atalǵan derek boıynsha Qylmystyq kodekstіń «Adam óltіrý» baby boıynsha qylmystyq іs qozǵalyp, tergeý júrgіzіlіp jatyr.

Marqumnyń jaqyndary endі ekі qyzdyń tárbıesіn óz moıyndaryna alatynyn aıtty. Olardyń sózіnshe, eń aldymen úsh jasar búldіrshіn men 16 jastaǵy ápkesіne psıhologııalyq qoldaý kórsetіledі.