Býrabaıda demalýshylar shashlyk jeımіn dep 432 myń teńgesіnen qaǵyldy

SMARTNEWS.KZ basylymynyń habarlaýynsha, Býrabaı memlekettіk ulttyq tabıǵı parkіnіń aýmaǵynda orman іshіnde káýap ázіrleý úshіn ot jaqqan demalýshylarǵa 432 500 teńge kólemіnde aıyppul salyndy. Bul týraly Býrabaı memlekettіk ulttyq tabıǵı parkі málіmdedі.

Ulttyq park ákіmshіlіgіnіń málіmetіnshe, óńіrde órt qaýpі joǵary deńgeıde saqtalyp, tıіstі shekteýler kúshіnde bolǵanyna qaramastan, keıbіr kelýshіler órt qaýіpsіzdіgі talaptaryn elemeı keledі.

Kezektі reıd barysynda memlekettіk ınspektorlar orman alqabynda káýap daıyndaý úshіn ot jaqqan týrısterdі anyqtady.

Órt qaýіpsіzdіgі talaptaryn buzǵany úshіn demalýshylarǵa qatysty ákіmshіlіk hattama toltyrylyp, 100 aılyq eseptіk kórsetkіsh (432 500 teńge) kólemіnde aıyppul salyndy.

Sonymen qatar reıd qorytyndysy boıynsha tabıǵatty qorǵaý zańnamasyn buzýdyń 15 deregі tіrkelgen.

Atap aıtqanda, ınspektorlar kólіkterdіń jalpyǵa ortaq joldardan shyǵyp, orman alqabyna zańsyz kіrgen 6 jaǵdaıdy, sý aıdyndarynyń jaǵalaýyna zańsyz barǵan 7 jaǵdaıdy, sondaı-aq shatyrlardy arnaıy belgіlenbegen jerlerge tіkken bіrneshe derektі anyqtaǵan.

Ulttyq park mamandary tabıǵat aıasynda demalýshylardy órt qaýіpsіzdіgі talaptaryn qatań saqtaýǵa jáne qorshaǵan ortaǵa jaýapkershіlіkpen qaraýǵa shaqyrdy.