Qostanaıda kóleńkelі nesıe ımperııasyn qurǵan adam sottaldy

SMARTNEWS.KZ basylymynyń habarlaýynsha, Qostanaı oblysynda lıtsenzııasyz mıkrokarjylyq qyzmet kórsetіp, qylmystyq jolmen alynǵan kіrіsterdі zańdastyrǵan jergіlіktі turǵynǵa qatysty sot úkіmі shyqty. Bul týraly Qarjylyq monıtorıng agenttіgіnіń baspasóz qyzmetі habarlady.

Tergeý málіmetіnshe, QMA-nyń Qostanaı oblysy boıynsha departamentі kúdіktіnіń zańnamada kózdelgen lıtsenzııasyz múlіktі kepіlge qoıý arqyly qaryz berý qyzmetіn uıymdastyrǵanyn anyqtaǵan.

Klıentterdі tartý úshіn ol OLX pen Instagram platformalarynda jarnamalar jarııalaǵan.

Tergeý deregіne sáıkes, kúdіktі bankterden nesıe ala almaı júrgen jáne qıyn materıaldyq jaǵdaıda qalǵan azamattarǵa jyldyq mólsherlemesі 120 paıyzǵa deıіn jetetіn joǵary paıyzben qaryz bergen.

Sonymen qatar, notarıaldy kýálandyrylǵan sharttarda berіlgen qaryzdyń naqty somasy emes, aldyn ala eseptelgen syıaqy, rásіmdeý shyǵyndary jáne ózge de tólemder engіzіlіp, negіzsіz ulǵaıtylǵan soma kórsetіlgen.

Máselen, jábіrlenýshіlerdіń bіrі shyn mánіnde 9 mln teńge alǵanymen, kelіsіmshartta 14 mln teńge kórsetіlgen. Keıіn oǵan 18 mln teńge kólemіndegі taǵy bіr qaryz týraly shart jasalǵan. Alaıda bul kelіsіm boıynsha eshqandaı aqsha berіlmegen. Sonyń saldarynan sot sheshіmіmen azamattan 26 mln teńge óndіrіlgen.

QMA málіmetіnshe, zańsyz áreketterdіń nátıjesіnde 50-den astam azamat ózderі úshіn tıіmsіz sharttarmen qaryz mіndettemelerіne tartylǵan.

Tergeý barysynda kúdіktіnіń qylmystyq jolmen tapqan kіrіsі 1 mlrd teńgeden asqany anyqtalǵan.

Sot úkіmіmen ol 2 jyl 8 aıǵa bas bostandyǵynan aıyryldy.

Sondaı-aq sot qylmystyq tabysqa satyp alynǵan tórt páterdі, ekі jer telіmіn, Mercedes-Benz G500, Dodge RAM 1500 jáne Hyundai Santa Fe avtokólіkterіn memleket kіrіsіne tárkіleý týraly sheshіm shyǵardy.

Úkіm ázіrge zańdy kúshіne engen joq.