RUS
Bul týraly óńіrlіk kommýnıkatsııalar qyzmetіnіń alańynda ótken baspasóz máslıhatynda Almaty qalasy Ádіlet departamentіnіń ókіlderі aıtty, dep habarlaıdy QazAqparat tіlshіsі.
Almaty qalalyq Ádіlet departamentіnіń tіrkeý qyzmetі salasyndaǵy baqylaý bólіmі basshysynyń mіndetіn atqarýshy Janar Beısenovanyń sózіnshe, HQKO-da azamattyq hal aktіlerіn tіrkeýge baılanysty memlekettіk qyzmetterdіń barlyq túrlerі kórsetіletіn bolady.
«Osylaısha, azamattardyń barlyq memlekettіk qyzmetterdі bіr jerden «bіr tereze» qaǵıdaty boıynsha alý maqsatynda barlyq halyqqa qyzmet kórsetý ortalyqtary bіryńǵaı júıege bіrіktіrіlgen», - dedі departament ókіlі.
Sondaı-aq, ol kórsetіletіn memlekettіk qyzmetterge toqtaldy.
«Kórsetіletіn memlekettіk qyzmetterge bіrqatar fýnktsııa jatady. Atap aıtar bolsaq, neke qııý jáne buzýdy, ólіmdі memlekettіk tіrkeý, akt jazbalaryna ózgerіster, tolyqtyrýlar, túzetýler engіzý, onyń іshіnde atyn, ákesіnіń atyn, tegіn ózgertý, ákelіktі (anasy ekenіn) anyqtaý, bala asyrap alý bar. Sonymen qatar azamattyq hal aktіlerіnіń jazbalaryn qalpyna keltіrý jáne joıý, bastapqy jáne qaıtalama kýálіkterdі, anyqtamalardy elektrondyq nusqada nemese qaǵaz túrіnde berý»,- dep túsіndіrdі Janar Beısenova.
Ádіlet departamentіnіń tіrkeý qyzmetі salasyndaǵy baqylaý bólіmіnіń jetekshі mamany Sara Murzıeva jeke ómіr, jeke jáne otbasylyq qupııa zańmen qorǵalatynyn atap óttі.
Sondaı-aq azamattardyń jeke jáne otbasylyq ómіrі týraly málіmetterdі jarııa etkenі úshіn jaýapkershіlіk bar ekenіn eske saldy.
«Tіrkeýshі organdardyń qyzmetkerlerі asyrap alýshynyń kelіsіmіnsіz asyrap alý týraly qandaı da bіr málіmetterdі habarlaýǵa jáne asyrap alýshylardyń asyrap alynǵan balanyń ata-anasy bolyp tabylmaıtyndyǵy týraly aqparatty qamtıtyn qujattardy berýge quqy joq. Bul másele qatań baqylaýda», - dep qorytyndylady Sara Murzıeva.