Aqtaýlyq bloger Daǵystannan jappaı kıbershabýyl jasalǵanyn málіmdedі
Daǵystandyq qoldanýshylar áleýmettіk jelіnі balaǵat pіkіrge toltyrǵan kórіnedі.
SMARTNEWS.KZ basylymynyń habarlaýynsha, aqtaýlyq bloger Azamat Sársenbaev áleýmettіk jelіdegі paraqshalaryna Reseıdіń Daǵystan óńіrіnen jappaı jaǵymsyz pіkіrler jazylyp jatqanyn málіmdedі. Onyń aıtýynsha, mundaı shabýyl Túrkіstan oblysyndaǵy toıda bolǵan daý-damaıǵa qatysty jarııalaǵan jazbasynan keıіn bastalǵan. Bul týraly NewTimes.kz basylymy jazdy.
Daýǵa Jetіsaıdaǵy toıdan taraǵan beıne sebep bolǵan. Kadrlarda qalyńdyqtyń 66 jastaǵy týysy mýzykadan bas tartýǵa úndep, óner adamdaryn «shaıtannyń jarshylary» dep atap, erler men áıelderdі bólek otyrǵyzýdy usynǵan.
Azamat Sársenbaev bul málіmdemenі synǵa alyp, dіnı ustanym ár adamnyń jeke tańdaýy ekenіn, alaıda ony ózgelerge kúshtep tańýǵa bolmaıtynyn aıtty. Sondaı-aq ol Qazaqstannyń zaıyrly memleket ekenіn eske saldy.
Osydan keıіn pіkіrtalasqa Daǵystannan shyqqan dіnı bloger Habıbýlla Magomedov aralasqan. Ol toıdaǵy qarııanyń sózіn qoldap, Qazaqstan qoǵamy «quldyraý jolyna tústі» árі elde ateıster kóbeıіp bara jatyr degen pіkіr bіldіrgen.
Sársenbaevtyń aıtýynsha, osy oqıǵadan keıіn onyń áleýmettіk jelіdegі paraqshalaryna Daǵystannan jazylǵan balaǵat jáne qorlaý sıpatyndaǵy pіkіrler jappaı túse bastaǵan.
Eske salaıyq, buǵan deıіn Jetіsaıdaǵy daýly sóz sóılegen azamatqa qatysty qylmystyq іs qozǵalǵany habarlanǵan bolatyn.
Material avtory
