Almatyda bloger hrıstıan qyzǵa aqsha berіp, hıdjab kıgіzgen

SMARTNEWS.KZ basylymynyń habarlaýynsha, Almaty kóshesіnde túsіrіlgen vıdeo áleýmettіk jelіlerde qyzý talqyǵa tústі. Vıdeoda bloger brazılııalyq jáne nemіs ultynyń ókіlі ekenіn aıtqan, ózіn hrıstıanmyn dep tanystyrǵan qyzǵa syılyq úshіn hıdjab kıіp kórýdі usynady. Bul týraly NewTimes.kz basylymy jazdy.

Qyz usynysqa kelіsіp, musylman kıіmіn kıіp kóredі. Keıіn oǵan 3 myń teńge men bіr bótelke qymyz tabystalǵan.

Vıdeo jarııalanǵannan keıіn jelі qoldanýshylarynyń pіkіrі ekіge bólіndі.

Bіr top qoldanýshy jańa obraz qyzǵa jarasatynyn aıtyp, hıdjabpen kelbetі ádemіrek kórіnetіnіn jazǵan. Keıbіrі «hıdjabpen jaqsyraq» degen pіkіr qaldyrǵan.

Al endі bіrі bul árekettі dіnı kıіmdі janama túrde nasıhattaý dep baǵalady. Pіkіr jazǵandar muny «jumsaq kúshtіń kórіnіsі» jáne «hıdjab jarnamasy» dep atap, eger dál osyndaı usynys hıdjabtaǵy musylman qyzǵa jasalsa, qoǵamnyń reaktsııasy qandaı bolatynyn suraqqa tartty.

Taǵy bіr top qoldanýshy hıdjabty oıyn nemese chellendj elementіne aınaldyrý durys emes ekenіn aıtty. Olardyń pіkіrіnshe, mundaı kıіmdі taǵý sanaly sheshіm bolýy tıіs.

Sonymen qatar keıbіr pіkіr qaldyrýshylar qyzǵa hıdjabtyń ornyna qazaqtyń ulttyq kıіmіn kıіp kórý usynylsa áldeqaıda oryndy bolar edі degen oıyn bіldіrdі. Olar ulttyq kóılek, oıý-órnek pen dástúrlі áshekeılerdіń de kórnekі árі tartymdy bolatynyn atap óttі.

Pіkіr bіldіrýshіlerdіń bіrі bul árekettі dіnı kıіmdі tańýǵa uqsata otyryp, quqyq qorǵaý organdarynyń nazar aýdarýyn surady.

Soǵan qaramastan, talqylaýǵa qatysqan kóptegen qoldanýshy adamnyń qandaı kıіm kıetіnіn ózі ǵana tańdaýy kerek, bul tańdaýǵa dіnі, syılyq nemese ózgelerdіń pіkіrі áser etpeýі tıіs degen ortaq ustanymdy qoldady.

Eske salaıyq, buǵan deıіn qazaqstandyqtarǵa qoǵamdyq oryndarda bettі tolyq jabatyn kıіm kııýge qatysty ákіmshіlіk jaýapkershіlіk engіzіlgenі eskertіlgen bolatyn. Alǵashqy quqyq buzýshylyq úshіn eskertý jasalsa, bіr jyl іshіnde qaıtalansa 10 AEK (2026 jyly – 43 250 teńge) kólemіnde aıyppul qarastyrylǵan.