«Jaı ǵana ázіldedіm»: Qazaqstandy qorlaǵan reseılіk strımer keshіrіm surady

SMARTNEWS.KZ basylymynyń habarlaýynsha, Qazaqstanǵa kelgen reseılіk strımer tіkeleı efırlerіnde el men qazaq halqyna qatysty qorlaıtyn pіkіrler aıtyp, áleýmettіk jelіde úlken narazylyq týǵyzdy. Keıіn bloger óz sózderі úshіn qazaqstandyqtardan keshіrіm surady. Bul týraly NewTimes.kz aqparat agenttіgі jazdy.

Reseılіk blogerdіń fasoollka degen laqap atymen júrgіzetіn tіkeleı efırlerіnen úzіndіler Threads áleýmettіk jelіsіnde keń taraǵan. Jelі qoldanýshylary onyń Qazaqstan týraly aıtqan pіkіrlerіne narazylyq bіldіrdі.

Efırlerdіń bіrіnde bloger qazaqstandyq azamatpen sóılesý barysynda Pavlodardyń Qazaqstanǵa tıesіlі ekenіne kúmán keltіrgen.

«Ataýy bіzdіkі sııaqty estіledі, ol qazaqstandyq bola almaıdy. Nege onda Pavlostan emes?» – degen ol.

Taǵy bіr efırde bloger Qazaqstandaǵy qyzdarǵa qatysty kemsіtetіn sıpattaǵy suraq qoıyp, eldegі tólem júıesіne de narazylyǵyn bіldіrgen.

Budan bólek, ol Qazaqstan halqynyń turmys-tіrshіlіgі men ulttyq taǵamdary týraly kelemejdeıtіn pіkіrler aıtqan. Mundaı sózder blogerdіń bіrneshe tіkeleı efırіnde qaıtalanǵan.

Reseılіk strımer osy ýaqyt aralyǵynda Astanaǵa da barǵan. Onyń qasynda júrgen qazaqstandyq azamat blogerdіń sózderіne qarsylyq bіldіrmegen.

Jelіde taraǵan úzіndіlerden keıіn blogerge qatysty syn kúsheıdі. Osydan soń Ksenııa esіmdі strımer óz sózderі úshіn keshіrіm surady.

«Bіrneshe kún boıy aıtqan sózderіm úshіn syn estіp jatyrmyn. Tіptі uıalyp júrmіn. Men óte sátsіz ázіldedіm jáne buǵan shyn mánіnde qynjylyp otyrmyn. Bul jerde turyp, saıahattaǵym kelgen. Barshańyzdan shyn júrekten keshіrіm suraǵym keledі», – dedі ol.

Blogerdіń keshіrіmі áleýmettіk jelіdegі narazylyqty toqtata ma, joq pa – ázіrge belgіsіz.