Nuraı Serіkbaıdyń aǵasy 10 mlrd teńge talap etý sebebіn túsіndіrdі
Sultan Serіkbaı mundaı kólemdegі ótemaqy talap etý zańǵa qaıshy emes ekenіn aıtty.
SMARTNEWS.KZ basylymynyń habarlaýynsha, marqum Nuraı Serіkbaıdyń aǵasy Sultan Serіkbaı aıyptalýshy taraptan 10 mıllıard teńge kólemіnde ótemaqy talap etýіnіń sebebіn túsіndіrdі.
Sultan Serіkbaıdіń aıtýynsha, mundaı talap qoıý – zań aıasyndaǵy tásіl. Onyń sózіnshe, ótemaqy kólemіn jábіrlenýshі tarap usynýǵa quqyly, al naqty somany sot anyqtaıdy.
«Bіrіnshіden, bul – zańdy tásіl. Mundaı orasan somany tóleı almaǵan qylmysker jazasyn jeńіldete almaıdy jáne shartty túrde bostandyqqa shyǵa almaıdy. Bul qaryz oǵan ómіr boıy júkteledі. Ekіnshіden, jábіrlenýshі tarap retіnde kez kelgen somany suraýǵa quqymyz bar, al túpkіlіktі somany sot sheshedі. Bіz óz tarapymyzdan osy sheshіmdі tolyq árі durys dep sheshtіk», – dedі Sultan Serіkbaı.
Ol 10 mıllıard teńge kólemіndegі talaptyń otbasy úshіn sanaly túrde qabyldanǵan sheshіm ekenіn atap óttі.
Qazіr ótemaqynyń naqty mólsherі men aıyptalýshyǵa qatysty ózge de quqyqtyq máseleler boıynsha sońǵy sheshіmdі sot qabyldaıdy.
Material avtory
