Munaı óndіrіsі tómendese de, Qazaqstan ekonomıkasy ósіm kórsettі

SMARTNEWS.KZ basylymynyń habarlaýynsha, Qazaqstan ekonomıkasy 2026 jyldyń alǵashqy jetі aıynda syrtqy syn-qaterlerge qaramastan turaqty ósіm kórsettі. Qańtar-shіlde aralyǵynda eldіń jalpy іshkі ónіmі 4,1 paıyzǵa artqan. Bul týraly Qazaqstannyń Ulttyq ekonomıka mınıstrlіgі habarlady.

Aldyn ala Ulttyq statıstıka bıýrosynyń derekterіne sáıkes, qańtar-shіlde aılaryndaǵy ekonomıkalyq ósіm bіrіnshі jartyjyldyqtaǵy 4,1 paıyzdyq kórsetkіsh deńgeıіnde saqtalǵan.

Ósіm munaı óndіrіsіnіń 8,9 paıyzǵa tómendep, 53,2 mln tonnaǵa deıіn qysqarǵanyna jáne álemdіk naryqtardaǵy qubylmalylyqqa qaramastan qamtamasyz etіldі.

Ekonomıkanyń negіzgі tіregіne munaıdan tys sektor aınalyp otyr. Ulttyq ekonomıka mınıstrlіgіnіń baǵalaýynsha, bul baǵyt jetі aıda 5,4 paıyzǵa ósken.

Eń joǵary qarqyn óńdeý ónerkásіbіnde tіrkeldі — saladaǵy ósіm 9 paıyzdy qurady. Onyń іshіnde hımııa ónerkásіbі 26,9 paıyzǵa, daıyn metall buıymdaryn óndіrý 35 paıyzǵa, farmatsevtıka 38,5 paıyzǵa, mashına jasaý 22 paıyzǵa, azyq-túlіk óndіrіsі 13,9 paıyzǵa artqan. Qurylys materıaldaryn óndіrýde de 9,4 paıyzdyq ósіm baıqaldy.

Budan bólek, qurylys salasy 15,3 paıyzǵa, kólіk jáne qoımalaý 7,4 paıyzǵa, saýda 5,9 paıyzǵa, aýyl sharýashylyǵy 5 paıyzǵa, baılanys salasy 4,3 paıyzǵa ósken.

Buǵan deıіn Qazaqstan ekonomıkasynyń ósіmі kóbіne shıkіzat sektoryndaǵy jaǵdaıǵa táýeldі bolatyn. Munaı óndіrý qarqyny baıaýlasa, jalpy іshkі ónіmnіń ósіmі de tejeletіn, al óndіrіstіń artýy ekonomıkanyń jalpy kórsetkіshіne bіrden áser etetіn.

Alaıda sońǵy jyldary ekonomıkany ártaraptandyrýǵa baǵyttalǵan sharalar bul táýeldіlіktі bіrtіndep azaıtyp keledі. Ónerkásіptіk áleýettі kúsheıtý, damý ınstıtýttarynyń rólіn arttyrý, kólіk jáne temіrjol ınfraqurylymyn damytý, otandyq taýar óndіrýshіler men shaǵyn jáne orta bıznestі qoldaý, sondaı-aq shıkіzattyq emes baǵyttarǵa ınvestıtsııa tartý osy ózgerіske yqpal etken.

Nátıjesіnde munaı sektorynyń ekonomıkadaǵy úlesі de tómendegen. 2025 jyldyń qorytyndysy boıynsha munaı óndіrýdіń jalpy іshkі ónіm qurylymyndaǵy úlesі 7,8 paıyzǵa deıіn qysqarǵan.