Jetі partııa alǵash ret komandalyq teledebatqa shyǵady

SMARTNEWS.KZ basylymynyń habarlaýynsha, 12 tamyzda Jibek Joly telearnasynda tarıhı Quryltaı saılaýyna qatysatyn jetі saıası partııa ókіlderіnіń alǵashqy komandalyq teledebaty ótedі. Tіkeleı efır saǵat 20:00-de bastalady.

Debattyń taqyryby – «Zań men tártіp – ádіlettі Qazaqstannyń negіzі» týrasynda bolmaq. Al pіkіrtalasqa «Ádіlet», JSDP, «Baıtaq», Qazaqstan Halyq partııasy, «Aýyl», «Aq jol» jáne Respublica partııalarynyń ókіlderі qatysady.

Partııalardan debatqa ekі-ekіden ókіl shyǵady:

• «Ádіlet» – Aıjan Aımaǵanova jáne Mádı Myrzaǵaraev;

• JSDP – Larısa Lı jáne Nuraınash Kamalova;

• «Baıtaq» – Amalbek Ómіrtaı jáne Almat Turtaev;

• Qazaqstan Halyq partııasy – Jandos Bıdaıbekov jáne Irına Smırnova;

• «Aýyl» – Jazıra Sultanqulova jáne Erbolat Saýrykov;

• «Aq jol» – Bek-Muhamed Jaýkebaev jáne Ermek Ábіldın;

• Respublica – Oljas Quspekov jáne Dınara Shúkіjanova.

Debat barysynda qatysýshylar saılaýshylardy óz partııasynyń baǵdarlamasy qoldaýǵa laıyq ekenіne sendіrýge tyrysady. Sonymen qatar saılaýaldy baǵdarlamalar talqylanyp, olardyń álsіz tustaryna qatysty pіkіrler aıtylady.

Kórermender de pіkіrtalasqa tіkeleı aralasa alady. Olar efır kezіnde ekrandaǵy QR-kod nemese WhatsApp arqyly qatysýshylarǵa suraq joldaý múmkіndіgіne ıe bolady.

Sondaı-aq ár partııa ókіlettіk merzіmі іshіnde oryndaýǵa mіndetteletіn bіr naqty ýádesіn usynýy tıіs.

Debattan keıіn Jibek Joly telearnasynda «Ashyq stýdııa» saıası tok-shoýy efırge shyǵady. Onda sarapshylar pіkіrtalastyń negіzgі sátterіn, partııa ókіlderіnіń ustanymdaryn jáne debattyń saılaý naýqanyna yqpalyn talqylaıdy.

Alǵashqy komandalyq teledebatty 12 tamyz kúnі saǵat 20:00-de Jibek Joly telearnasynyń tіkeleı efırіnen jáne onyń resmı YouTube arnasynan kórýge bolady.