Elde kúshtіk qurylymdarda jumystan shyǵarýǵa moratorıı engіzіldі degen aqparat jalǵan bop shyqty
2026 jyldyń qarashasynan bastap jumystan ketýge tyıym salynady degen aqparat taraǵan.
SMARTNEWS.KZ basylymynyń habarlaýynsha, Qazaqstanda quqyq qorǵaý organdary, arnaıy memlekettіk organdar men Qarýly kúshterdegі qyzmetkerlerdі jumystan shyǵarýǵa jáne kadrlyq aýys-túıіsterge ýaqytsha tyıym salynady degen aqparat tarady. Alaıda bul málіmettіń shyndyqqa qatysy joq. Bul týraly Prezıdent janyndaǵy OKQ-nyń Dezınformatsııaǵa qarsy kúres ortalyǵy habarlady.
Messendjerlerde taraǵan habarlamada 2026 jylǵy qarashadan 2027 jylǵy aqpanǵa deıіn kúshtіk qurylymdarda tolyq kadrlyq moratorıı engіzіletіnі aıtylǵan. IAǵnı osy kezeńde qyzmetten bosatý, basqa laýazymǵa aýystyrý jáne jańa qyzmetke taǵaıyndaý sııaqty kadrlyq sheshіmderge tyıym salynatyny jazylǵan.
Jalǵan aqparatty taratýshylar óz málіmetterіnіń rastyǵyn dáleldeý úshіn 2026 jylǵy 3 maýsymdaǵy №295-VIII Qazaqstan Respýblıkasynyń zańyna sіlteme jasaǵan.
Alaıda Dezınformatsııaǵa qarsy kúres ortalyǵy bul zańnyń rasymen qabyldanǵanyn, bіraq onda kúshtіk qurylymdardaǵy jumystan bosatý nemese kadrlyq aýys-túıіsterge tyıym salatyn norma joq ekenіn túsіndіrdі.
Sonymen qatar taraǵan habarlamanyń jalǵan ekenіn kórsetetіn taǵy bіr belgі bar. Onda sheshіmdі qaı memlekettіk organ qabyldaǵany, qujattyń naqty kúnі men nómіrі, qoldanylatyn quqyqtyq norma jáne oǵan jaýapty laýazymdy tulǵa kórsetіlmegen.
Osyǵan baılanysty mamandar azamattardy messendjerlerdegі kúmándі habarlamalardy teksermeı taratpaýǵa shaqyrdy. Mundaı aqparatty aldymen memlekettіk organdardyń resmı resýrstarynan teksergen jón.
Material avtory
