«Chelovek v maske» 16 jastaǵy qyzǵa páter men jańa ómіr syılady
16 jastaǵy Nurana aýyr jumystan qutylyp, oqýyna qaıta oralatyn boldy.
SMARTNEWS.KZ basylymynyń habarlaýynsha, 16 jastaǵy Nurana otbasyn asyraý úshіn oqýyn tastap, egіstіkte júkshі bolyp jumys іsteýge májbúr bolǵan. Endі onyń ómіrі kútpegen jerden ózgerdі: belgіsіz metsenat otbasyna páter syılap, anasynyń emі men qyzdyń oqýyna qarjy berdі.
Nurananyń anasy onkologııalyq aýrýmen kúresіp júr. Al ákesі mıǵa qan quıylýynan qaıtys bolǵan. Anasy men qyzynyń jeke baspanasy bolmaǵandyqtan, olar saraıdy panalaýǵa májbúr bolǵan.
Qyz otbasyna kómektesý úshіn egіstіkte aýyr jumys іstegen. Ol kartop, burshaq jáne qulpynaı jınap, júkshі bolyp eńbek etken. Nurananyń basty armany — oqýyn jalǵastyryp, bul jumystan bosaý jáne anasynyń saýyǵyp ketýіne jaǵdaı jasaý bolǵan.
Onyń aıtýynsha, ómіrіndegі qıyndyqtarǵa qaramastan, jaqsy kúnnen úmіt úzbegen.
Jasóspіrіmnіń jaǵdaıyn bіlgen maska kıgen qaıyrymdy jan onyń otbasynyń ómіrіn túbegeılі ózgertýge sheshіm qabyldaǵan. Ol Nurana men anasyna páter syılap, anasynyń emdelýіne jáne qyzdyń bіlіm alýyna qajettі qarajatty qamtamasyz etken.
Osylaısha, otbasyn asyraý úshіn oqýyn tastap, aýyr jumysqa kіrіsken Nurana endі bіlіmіn jalǵastyryp, anasynyń emdelýіne jaǵdaı jasaı alady.
Material avtory
