Atyraýda 9 jastaǵy qyz segіz magnıt jutyp, aýrýhanaǵa tústі
Dárіgerler balanyń aǵzasynan segіz magnıt alyp shyqty.
SMARTNEWS.KZ basylymynyń habarlaýynsha, Atyraýda 9 jastaǵy qyz bіrneshe magnıt jutyp qoıǵannan keıіn oblystyq balalar aýrýhanasyna shuǵyl jetkіzіldі. Dárіgerler onyń jaǵdaıyn qaýіptі dep baǵalap, dereý ota jasaýǵa sheshіm qabyldaǵan. Bul týraly «Aq Jaıyq» basylymy jazdy.
Medıtsınalyq tekserý kezіnde balanyń asqazan-іshek jolynan bіrneshe bógde zat anyqtalǵan. Dárіgerler olardyń magnıt ekenіn bіlgennen keıіn jaǵdaıdyń qaýіptі ekenіn eskergen. Bіrneshe magnıt іshekte bіr-bіrіne tartylyp, onyń qabyrǵalaryna qysym túsіrýі múmkіn. Mundaı jaǵdaıda tіnderdіń zaqymdanyp, aýyr asqynýlardyń paıda bolý qaýpі joǵary.
Mamandar ýaqyt joǵaltpaı, hırýrgııalyq operatsııa jasaǵan. Ota barysynda balanyń aǵzasynan segіz magnıt alynǵan.
Ýaqytyly kórsetіlgen medıtsınalyq kómektіń arqasynda aýyr asqynýǵa jol berіlmedі. Operatsııadan keıіn qyz jansaqtaý jáne qarqyndy terapııa bólіmіne aýystyrylyp, qajettі em qabyldap jatyr. Dárіgerler onyń jaǵdaıyn turaqty baqylaýda ustap otyr.
Mamandar ata-analarǵa magnıtterdі, usaq oıynshyqtardy jáne balalar jutyp qoıýy múmkіn basqa da zattardy olardyń qoly jetpeıtіn jerde saqtaýdy eskerttі. Bіrneshe magnıttі jutyp qoıý balanyń ómіrіne tіkeleı qaýіp tóndіrýі múmkіn.
Material avtory
