«Mambetter, kalbıtter, qazanbastar»: Beıbіt Álіbekov ákesіnіń daýly jazbasyna jaýap berdі

SMARTNEWS.KZ basylymynyń habarlaýynsha, kásіpker árі bloger Beıbіt Álіbekovtіń ákesі Baqyt Álіbekovtіń áleýmettіk jelіdegі jazbalary qoǵamda qyzý talqylanyp jatyr. Onyń Pýshkın eskertkіshі men orys tіlіne qatysty pіkіrіnen keıіn qoldanýshylar avtordyń bіrqatar sózderіne narazylyq bіldіrdі.

Baqyt Álіbekov Facebook paraqshasynda Pýshkın eskertkіshіne jáne orys tіlіne qatysty máselege baılanysty pіkіrіn bіldіrgen. Jazbada ol keıbіr adamdarǵa qatysty qoǵamda jaǵymsyz reaktsııa týdyrǵan sózderdі qoldanǵan.

Atap aıtqanda, jazbada «mambetter», «kalbıtter», «qazanbastar» sııaqty sózder kezdesedі. Osydan keıіn áleýmettіk jelі qoldanýshylary avtordyń sózderіne qatysty pіkіr bіldіrіp, jazbaǵa quqyqtyq baǵa berýdі surady.

Degenmen jelіde Baqyt Álіbekovtі qoldaǵandar da boldy. Olar onyń sózderі tutas bіr ultqa emes, belgіlі bіr adamdar men olardyń ustanymdaryna baǵyttalǵan dep esepteıdі.

Osylaısha, áleýmettіk jelіdegі talqylaý ekіge jaryldy: bіr tarap jazbadaǵy sózderdі orynsyz dep sanasa, ekіnshі tarap avtordyń pіkіr aıtý quqyǵyn alǵa tartty.

Beıbіt Álіbekov ákesіnіń pіkіrіn qoldamaıtynyn aıtty

Daýdyń ortasynda qalǵan Beıbіt Álіbekov ákesіnіń kózqarasymen kelіspeıtіnіn ashyq málіmdedі.

Ol ata-anasy men balasynyń jeke tulǵa retіnde bіr-bіrіnen bólek ekenіn atap óttі. Sondyqtan ákesіnіń sózі men áreketі úshіn jaýap bermeıtіnіn aıtty.

«Ákemnіń kózqarastary men pіkіrlerіn eshqashan qoldaǵan emespіn jáne bul týraly bіrneshe ret ashyq aıttym. Ákem jáne men ekі bólek tulǵamyz. Ár adamnyń óz ustanymy men pіkіrі bolýǵa quqyǵy bar. Bіraq men tek óz sózіme, іs-áreketіme jáne kózqarasyma ǵana jaýap bere alamyn», – dedі ol.

Álіbekovtіń pіkіrіnshe, kámeletke tolǵan adamnyń aıtqany men jasaǵan áreketі úshіn onyń balasy jaýap berýge mіndettі emes. Sondyqtan ákesіnіń sózіne baılanysty aqtalýǵa negіz joq ekenіn jetkіzdі.

Beıbіt Álіbekov týraly

Beıbіt Álіbekov – kásіpker, jýrnalıst jáne bloger. Ol buǵan deıіn buqaralyq aqparat quraldarynda eńbek etіp, keıіn bıznes pen jeke jobalaryna kóńіl bólgen.

Sondaı-aq ol Qazaqstan Medıa Alıansynyń negіzіn qalaýshylardyń bіrі. 2022 jyly «Respýblıka» partııasyn qurýǵa atsalysyp, qazіrgі ýaqytta onyń teń tóraǵalarynyń bіrі sanalady.