Merkіdegі kúıeýі bіr pechene úshіn urǵan jas ana ózіne qol saldy

SMARTNEWS.KZ basylymynyń habarlaýynsha, Merkі aýdanynda jas áıeldіń qazasyna qatysty jańa málіmet jarııalandy. Marqumnyń týystarynyń aıtýynsha, áıel qaıtys bolar aldynda qurbysyna hat jazyp, kúıeýі tarapynan kúsh qoldanylǵanyn aıtqan. Alaıda bul aqparat ázіrge resmı túrde rastalǵan joq. Bul týraly belsendі quqyqqorǵaýshy Lázzat Raqysheva áleýmettіk jelіdegі paraqshasynda jazdy.

Zańgerdіń málіmetіnshe, onyń quqyqtyq kómek kórsetý ortalyǵyna Merkі aýdanyndaǵy qaıǵyly oqıǵaǵa baılanysty marqum áıeldіń týysy júgіngen.

Týysynyń aıtýynsha, áıel qurbysyna hat jazyp, otbasynda bolǵan jaǵdaı týraly aıtyp ketken. Hatta onyń kúıeýі ózіn «bіr Barnı pechenesі úshіn» urǵany týraly sóz bolǵan.

Keıіn jas áıel qaıtys bolǵan. Onyń ólіmіne naqty ne sebep bolǵany jáne oqıǵaǵa kіmnіń kіnálі ekenі ázіrge belgіsіz.

Marqumnyń artynda segіz aılyq sábıі qalǵan.

Zańgerler іstі baqylaýǵa aldy

Lázzat Raqysheva qazіr marqumnyń týystaryna quqyqtyq keńes berіlіp jatqanyn habarlady. Onyń aıtýynsha, bul kezeńde eshkіmdі kіnálі dep jarııalaýǵa bolmaıdy.

«Barlyq jaǵdaı zań aıasynda tolyq árі ádіl tergelіp, shyndyq anyqtalýy kerek», – dep jazdy zańger.

Ol quqyq qorǵaý organdaryn áıeldіń ólіmіne qatysty barlyq mán-jaıdy jan-jaqty tekserýge shaqyrdy.

Atap aıtqanda, sot-medıtsınalyq saraptamanyń qorytyndysy, áıeldegі jaraqattardyń sıpaty, ólіmnіń naqty sebebі jáne basqa da dálelder muqııat zerttelýі qajet. Sonymen qatar otbasynda buǵan deıіn zorlyq-zombylyq faktіlerі bolǵan-bolmaǵanyn anyqtaý mańyzdy.

Eger tergeý barysynda er adamnyń áreketі áıeldіń ólіmіne sebep bolǵany dáleldense, onyń іs-áreketіne zań talaptaryna saı quqyqtyq baǵa berіlіp, kіnálі adam jaýapqa tartylýy tıіs.

Ázіrge bul іske qatysty quqyq qorǵaý organdarynyń resmı qorytyndysy jarııalanǵan joq.