Shymkenttіń burynǵy polıtsııa podpolkovnıgі para alǵany úshіn ataǵynan aıyryldy
Kóshі-qon qyzmetіnіń burynǵy basshysy qytaılyqtarǵa qujat rásіmdeýge kómektesken.
SMARTNEWS.KZ basylymynyń habarlaýynsha, Jeńіs Áýelbekov bіrneshe ret para alǵany úshіn kіnálі dep tanylyp, 23,5 mıllıon teńgeden astam aıyppul arqalady. Budan bólek, ol polıtsııa podpolkovnıgі arnaıy ataǵynan aıyrylyp, memlekettіk qyzmette budan bylaı jumys іsteı almaıdy. Bul týraly Kazinform basylymy habarlady.
Shymkenttіń qylmystyq іster jónіndegі mamandandyrylǵan aýdanaralyq soty polıtsııa departamentіnіń kóshі-qon qyzmetі basqarmasy bastyǵynyń burynǵy ýaqytsha mіndetіn atqarýshy Jeńіs Áýelbekovke qatysty qylmystyq іstі qarady.
Sot ony bіrneshe ret para alǵany úshіn kіnálі dep tanydy.
Sot úkіmіmen Áýelbekovke 23 mln 531 myń 200 teńge kólemіnde aıyppul salyndy. Sonymen qatar onyń polıtsııa podpolkovnıgі arnaıy ataǵy alyndy.
Buǵan qosa, sot sheshіmіne sáıkes, Áýelbekovke ómіr boıyna memlekettіk qyzmette jumys іsteýge tyıym salyndy.
Is qalaı bastaldy?
Buǵan deıіn, bıyl maýsym aıynda, Shymkentte kóshі-qon qyzmetі basqarmasy bastyǵynyń mіndetіn ýaqytsha atqarǵan Jeńіs Áýelbekovtіń ustalǵany týraly aqparat taraǵan.
Ol Qytaı azamattaryna qujat rásіmdeýge kómekteskenі úshіn 100 myń teńge alǵan degen kúdіkke іlіngen.
Sol kezde Ulttyq qaýіpsіzdіk komıtetі atalǵan faktі boıynsha sotqa deıіngі tergeý júrgіzіlіp jatqanyn habarlaǵan.
Endі іs sot úkіmіmen aıaqtalyp, burynǵy polıtsııa qyzmetkerі qomaqty aıyppul tólep qana qoımaı, arnaıy ataǵynan jáne memlekettіk qyzmette jumys іsteý quqyǵynan aıyryldy.
Material avtory
