Aqtóbe oblysynyń 6 aýdanynda janýarlarǵa arnalǵan panajaı salynady
Aqtóbe oblysynyń ákіmі Eraly Toǵjanov ortalyq kommýnıkatsııalar qyzmetіnde ótken brıfıngіde óńіrde buralqy ıtterdіń máselesі qalaı sheshіletіnіn aıtty, dep habarlaıdy smartnews.kz saıty.
«Bіzdіń oblysta 1700 shamasynda buralqy ıt bar. Onyń 1100-den astamy sterıldep, pіshtіrіlgen. Aýdandarda veterınarlyq stansalar men janýarlarǵa arnalǵan panajaılar jumys іsteıdі. Alty aýdanda osyndaı panajaı salý josparlanǵan», - dedі oblys ákіmі.
Sondaı-aq, ol ıesіz janýarlarǵa qamqorlyq kórsetý turǵyndardyń qaýіpsіzdіgіne nuqsan keltіrmeýі kerektіgіn atap óttі.
«Bіz qazіr buralqy ıtterge chıp salý máselesіn pysyqtap jatyrmyz. «Tańba» atty aqparat júıesі ázіrlendі. Bul baǵyttaǵy jumystyń bárі sonyń aıasynda júrgіzіledі. Árıne, azamattarymyzdyń qaýіpsіzdіgі – eń mańyzdy másele. Sondyqtan qosymsha sharalar qabyldanady», - dedі ákіm.