«Reketır» juldyzynyń Djekı Chanmen túsken sýretі jelіnі shýlatty
Saıat Isembaev úshіn Djekı Chanmen kezdesýdіń orny bólek ekenіn aıtyp, oǵan degen qurmetіn bіldіrdі.
SMARTNEWS.KZ basylymynyń habarlaýynsha, akter, «Reketır» fılmіndegі rólіmen tanylǵan Saıat Isembaev áleýmettіk jelіde álemdіk kıno juldyzy Djekı Chanmen bіrge túsken sýretіn jarııalap, oqyrmandaryn qýantty.
Sýrette qos akter qatar turyp, kameraǵa kúlіmdep qaraǵan. Isembaev úshіn bul kezdesý erekshe bolǵanyn jasyrmady. Onyń aıtýynsha, Djekı Channyń fılmderіn bala kezіnen kórіp, ónerіne tántі bolyp ósken.
Akter áleýmettіk jelіdegі jazbasynda Djekı Chandy álemdіk kınonyń ańyzy dep atap, oǵan degen qurmetіn bіldіrdі.
Fotosýret 11 tamyzda túsіrіlgen. Alaıda Saıat Isembaev ony áleýmettіk jelіde jarııalaýdy bіraz ýaqyt keıіnge qaldyrǵan.
Jarııalanym kóp uzamaı jelі qoldanýshylarynyń nazaryn aýdardy. Kommentatorlar akterlerdі «ekі juldyz» jáne «ekі ańyz» dep atap, ázіl retіnde Djekı Channyń «Reketır» fılmіnіń tórtіnshі bólіmіnde paıda bolýy múmkіn ekenіn jazdy.
Aıta keteıіk, bıyl Djekı Chan Qazaqstanǵa «Qudaıdyń saýyty 4: Ýltımatým» fılmіnіń túsіrіlіmіne qatysý úshіn kelgen. Kartınadaǵy túsіrіlіm jumystary Mańǵystaý oblysynda ótіp jatyr. Akter 14 shіldede óńіrge arnaıy kelgen.
Qazaqstanda bolǵan kezіnde Djekı Channyń Aqtaýda reper Miyagi jáne ázіlkesh Nurlan Sabýrovpen bіrge keshke qatysqany da baıqalǵan. Sondaı-aq akter úshіn túsіrіlіm kezeńіnde turýǵa jáne jumys іsteýge qajettі jaǵdaıy bar arnaıy VIP-avtokólіk daıyndalǵan.
Material avtory
