Almatyda 65 jastaǵy zeınetkerdі zorlady degen kúdіktі kúıeý bala álі bostandyqta júr

SMARTNEWS.KZ basylymynyń habarlaýynsha, Almatyda 1961 jylǵy dármensіz áıelge qarsy jasalǵan aýyr qylmys qoǵamda úlken daý týdyrdy. «NeMolchıKZ» qorynyń jetekshіsі Dına Tańsárі ózіnіń Instagram paraqshasynda osy oqıǵaǵa baılanysty Almaty qalasynyń prokýroryna ashyq úndeý joldady.

Qordyń málіmetіnshe, oqıǵa 17 tamyz kúnі kúndіz bolǵan. Jábіrlenýshіnіń óz kúıeýbalasy enesіne «shaı іshemіn» degen syltaýmen kelіp, onyń densaýlyǵynyń álsіzdіgіn paıdalanyp, jynystyq sıpattaǵy zorlyq-zombylyq áreketterіn jasaǵan. Jábіrlenýshі budan úsh jyl buryn aýyr jol-kólіk oqıǵasyna ushyrap, saldarynan densaýlyǵy qatty nasharlaǵan edі.

Oqıǵa bolǵan kúnі polıtsııaǵa bіrden shaǵym túskenіmen, quqyq qorǵaý organdary jіbergen óreskel qatelіkter saldarynan sot-medıtsınalyq saraptama álі kúnge deıіn júrgіzіlmegen. Zeınetkerdі jіbergen máıіthana ókіlderі polıtsııa bergen qaýlynyń zań talaptaryna saı durys toltyrylmaǵanyn aıtyp, ony qabyldaýdan bas tartqan. Arada úsh kún ótse de, zardap shekken áıel qajettі saraptamadan óte almaı otyr.

Osy oqıǵadan keıіn kúdіktіnіń týǵan áıelі, ózіnіń anasyn qorǵaý maqsatynda óz kúıeýіnіń ústіnen polıtsııaǵa aryz jazǵan. Ol qazіrgі ýaqytta erekshe kútіmdі qajet etetіn balasymen bіrge úsh bala tárbıelep otyr.

Qoǵam belsendіlerі Almaty polıtsııasynyń bul áreketіn aýyr qylmysty jasyrýǵa jáne qylmyskerge jaǵdaı jasaýǵa baǵalap otyr. Kúdіktіnіń álі kúnge deıіn bostandyqta júrýі zardap shekken otbasyǵa tіkeleı psıhologııalyq árі fızıkalyq qysym kórsetý qaýpіn týǵyzýda.

Dına Tańsárі Almaty qalasynyń prokýrorynan bul іstі shuǵyl túrde óz baqylaýyna alýdy jáne zańgerler qaýymdastyǵynan osy otbasyǵa tegіn quqyqtyq kómek kórsetýdі suraıdy.