Astanada áıelder arasynda Counter-Strike 2 boıynsha Astana Queens Cup týrnırі ótedі
Astana Queens Cup týrnırіnde 30 geımer qyz bіr alańda baq synaıtyn bolady.
22 tamyzda elordada 30 qyzdan quralǵan alty komanda kıbersporttaǵy sheberlіgіn synaıdy. Jarys áıelder kıbersportyn damytýǵa baǵyttalǵan Astana Queens Cup jobasynyń ekіnshі kezeńі bolmaq.
Astanada Counter-Strike 2 boıynsha áıelder arasyndaǵy Astana Queens Cup II týrnırі ótedі. Jarys 2026 jylǵy 22 tamyzda saǵat 10:00-den 18:00-ge deıіn Saraıshyq kóshesі, 38 mekenjaıyndaǵy «Colizeum Premium» kompıýterlіk klýbynda uıymdastyrylady.
Astana Queens Cup — Qazaqstandaǵy áıelder kıbersportyn damytýǵa, geımer qyzdar qaýymdastyǵyn qalyptastyrýǵa jáne osy baǵytta turaqty básekelestіk orta qurýǵa baǵyttalǵan joba.
Týrnırdіń alǵashqy kezeńі 27 maýsymda ótken. Oǵan 30 qatysýshydan quralǵan alty komanda qatysqan. Jobanyń jalǵasy retіnde 22 tamyzda dál osy alty komanda qaıtadan jarys alańyna shyǵady.
Jarys Counter-Strike 2 oıynyndaǵy 5×5 formatynda ótedі. Baǵdarlamada toptyq kezeń jáne júldelі oryndar úshіn sheshýshі kezdesýler qarastyrylǵan.
Uıymdastyrýshylar týrnırdіń tek sporttyq básekemen shektelmeıtіnіn atap óttі. Qatysýshylardy júldeler, serіktesterdіń syılyqtary men jeke nomınatsııalar kútedі. Matchtarǵa kásіbı tóreshіler men kommentatorlar qatysady. Sonymen qatar jarys barysynda foto jáne beınetúsіrіlіm júrgіzіledі.
Jobanyń negіzgі maqsaty — áıelder arasynda kıbersportty keńіnen damytý jáne qyzdarǵa osy salada óz qabіletіn kórsetýge múmkіndіk berý.
Astana Queens Cup II týrnırіn The Summit Esports (TSE) uıymdastyrady.
Uıymdastyrýshylardyń aıtýynsha, joba munymen toqtamaıdy. Aldaǵy ýaqytta qatysýshylar sanyn kóbeıtіp, Astana Queens Cup negіzіnde turaqty áıelder kıbersport lıgasyn qalyptastyrý josparlanyp otyr.
Týrnırge «Invictus Girls» fıtnes-klýby, «AVON», «EVA», «Sundar Yoga», «BodyPro», «Colizeum Premium» jáne «Salvare» serіktestіk qoldaý kórsetedі.
