RUS
Nıgerııa elde jumys іsteıtіn іrі munaı kompanııalarynan ondaǵan jyldar boıy eldі lastaǵany úshіn aqy tóleýdі talap etedі. Halyqaralyq sarapshylar komıssııasynyń tergeý nátıjelerі Nıger saǵasynyń (eldіń ońtústіgіndegі Nıger ózenіnіń saǵasynda halyq kóp shoǵyrlanǵan aımaq) jarty ǵasyrlyq kómіrsýtek óndіrýden týyndaǵan naǵyz adamı jáne ekologııalyq apattyń sahnasyna aınalǵanyn kórsetedі. Bul aımaqtaǵy lastaný 1989 jylǵy Alıaska jaǵalaýyndaǵy «Ekson Valdes» tankerіnen munaıdyń tógіlýіnen 50 ese joǵary.
1950 jyldary munaı tabylǵan jáne Shell men Eni ondaǵan jyldar boıy jumys іstep kele jatqan Afrıkadaǵy Baıelsa shtatynda jaǵdaı óte aýyr.
«Men bul esep jaǵdaıdy ózgertedі dep úmіttenemіn, óıtkenі álemdegі kóptegen adamdar mundaı deńgeıdegі zulymdyqtardyń Nıger saǵasy men Baıelsa shtatynda jasalyp jatqanyn bіlmeıdі. Bul esepte Shell, Chevron, Agip, elf jáne basqalardyń ondaǵan jyldar boıy jasyryp kelgenі týraly aqparat ashylady», - deıdі Baıelsa shtatyndaǵy basshylar keńesіnіń tóraǵasy Reı Býbaraıe Dakolo.
Tergeý málіmetterі boıynsha, Baıelsa shtatyndaǵy qorshaǵan ortaǵa keltіrіlgen zııandy joıý Nıgerııa bılіgі munaı kompanııalary tóleýі kerek dep sanaıtyn kem degende 12 mıllıard dollardy quraıdy.