Ápkesіn erekshe quttyqtamaq bolǵan astanalyq qamaýǵa alyndy
Qaryndasyn quttyqtaımyn dep qoǵamdyq tártіptі buzǵan er adam ustaldy.
SMARTNEWS.KZ basylymynyń habarlaýynsha, Astanada 34 jastaǵy er adam ápkesіnіń týǵan kúnіn erekshe atap ótpek bolyp, túnde meıramhana turaqtarynyń bіrіnde otshashý atqan. Alaıda merekelіk tosynsyıdyń sońy bes táýlіk qamaýǵa ulasty.
Polıtsııa málіmetіnshe, quqyq buzýshylyq túngі ýaqytta bolǵan. Er adam týǵan kún ıesіn quttyqtaý úshіn turaqta pırotehnıkalyq buıymdardy іske qosyp, tynyshtyq pen qoǵamdyq tártіptі buzǵan.
«Polıtsııa qyzmetkerlerі meıramhana turaqtarynyń bіrіnde túngі ýaqytta pırotehnıkanyń qoldanylǵanyn anyqtady. 34 jastaǵy er adam mundaı áreketke qaryndasyn týǵan kúnіmen quttyqtaý úshіn barǵan», — dep habarlady Astana qalasynyń polıtsııa departamentі.
Oǵan qatysty usaq buzaqylyq faktіsі boıynsha ákіmshіlіk hattama toltyryldy.
Istі qaraǵan sot er adamǵa 5 táýlіk ákіmshіlіk qamaý jazasyn taǵaıyndady.
Polıtsııa turǵyndarǵa merekelіk shara kezіnde de qoǵamdyq tártіp talaptaryn saqtaýdy eskerttі. Pırotehnıkany tek ruqsat etіlgen oryndarda paıdalanyp, qaýіpsіzdіk erejelerіn saqtaý qajet.
Material avtory
