Astanalyq terezeden dáret syndyrǵany úshіn qamaýǵa alyndy
Er adam sotta kіnásіn tolyq moıyndap, jasaǵan іsіne ókіnetіnіn aıtty.
SMARTNEWS.KZ basylymynyń habarlaýynsha, Astanada kópqabatty turǵyn úıdіń terezesіnen kóshege kіshі dáret syndyrǵan er adam ákіmshіlіk jaýapkershіlіkke tartyldy. Onyń áreketі áleýmettіk jelіde keńіnen tarap, kópshіlіktіń narazylyǵyn týǵyzǵan bolatyn.
Astana qalasynyń ákіmshіlіk quqyq buzýshylyq jónіndegі mamandandyrylǵan aýdanaralyq soty J. esіmdі azamattyń іsіn qarady. Sot málіmetіnshe, 24 tamyzǵa qaraǵan túnі shamamen saǵat 00:30-da er adam turǵyn úıdіń baspaldaq alańynda turyp, kіreberіstegі tereze arqyly syrtqa kіshі dáret syndyrǵan.
Sot bul árekettі qoǵamdyq tártіptі buzý jáne usaq buzaqylyq dep tanydy.
Otyrysta er adam kіnásіn moıyndap, jasaǵan іsіne ókіnetіnіn jetkіzgen. Onyń kіnásі іs materıaldarymen jáne áleýmettіk jelіde taraǵan beınejazbamen dáleldendі.
Qazaqstannyń Ákіmshіlіk quqyq buzýshylyq týraly kodeksіnіń 434-baby 1-bólіgіne sáıkes, mundaı áreket úshіn 20 AEK kólemіnde aıyppul salý, 20-dan 60 saǵatqa deıіn qoǵamdyq jumysqa tartý nemese 5-ten 15 táýlіkke deıіn ákіmshіlіk qamaý jazasy qarastyrylǵan.
Sot jaza taǵaıyndaý kezіnde jasalǵan árekettіń sıpatyn, qoǵamǵa kórsetіlgen qurmetsіzdіktі jáne oqıǵanyń áleýmettіk jelіlerde keńіnen jarııa bolǵanyn eskerdі. Nátıjesіnde azamat usaq buzaqylyq jasaǵany úshіn kіnálі dep tanylyp, 10 táýlіkke ákіmshіlіk qamaýǵa alyndy.
Sot qaýlysy ázіrge zańdy kúshіne engen joq.
Eske salaıyq, buǵan deıіn áleýmettіk jelіlerde kópqabatty úıdіń terezesіnen kóshege kіshі dáret syndyrǵan er adamnyń vıdeosy tarap, oqıǵa qoǵam talqysyna túsken edі. Keıіn Astana polıtsııasy ony іzdestіre bastaǵan.
Material avtory
