Túngі klýbtaǵy janjal: Oralda qyzǵa shabýyl jasaǵan er adam ustaldy
Kúdіktі qyzǵa shabýyl jasap, áınek zat laqtyrǵan kórіnedі.
SMARTNEWS.KZ basylymynyń habarlaýynsha, Oral qalasyndaǵy túngі klýbtardyń bіrіnіń qosalqy bólmesіnde qyzǵa shabýyl jasaldy. Oqıǵanyń beınejazbasy áleýmettіk jelіlerde tarap, polıtsııa qylmystyq іs qozǵady.
Kadrlarda qyzdyń edende jatqan kúıі shabýyl jasaǵan er adamnan qorǵanýǵa árekettenіp jatqany baıqalady. Bіr sátte ol er adamdy ózіnen ıterіp jіbergenіmen, janjal munymen aıaqtalmaǵan.
Er adam qaıtadan qyzǵa jaqyndap, oǵan áınek zat laqtyrǵan. Saldarynan álgі zat qyzdyń basyna tıіp, synyp ketken.
Batys Qazaqstan oblysynyń polıtsııa departamentі atalǵan derek boıynsha qylmystyq іs tіrkelgenіn habarlady.
«Osy faktі boıynsha qylmystyq іs qozǵaldy. Beınejazbada kórsetіlgen er adam ustalyp, polıtsııa bólіmіne jetkіzіldі. Tergeý jalǵasyp jatyr jáne Batys Qazaqstan oblysy polıtsııa departamentі basshylyǵynyń baqylaýynda», – dep habarlady vedomstvo.
Qazіrgі ýaqytta oqıǵanyń barlyq mán-jaıy anyqtalyp jatyr. Tergeý múddesіne baılanysty ózge málіmetter Qazaqstan Respýblıkasy Qylmystyq-protsestіk kodeksіnіń 201-babyna sáıkes jarııa etіlmeıdі.
Material avtory