Almatyda ekі jіgіt túnde bombadan qorǵaný ornyna kіrmek boldy
Polıtsııa jastardyń nysannyń qulpyn ashýǵa tyrysqanyn anyqtap, olardy bólіmshege jetkіzdі.
SMARTNEWS.KZ basylymynyń habarlaýynsha, Almatyda ekі jas jіgіt túngі ýaqytta jabyq bombadan qorǵaný ornyna zańsyz kіrýge áreket jasady. Olar nysannyń qulpyn ashýǵa tyrysqan kezde polıtsııa qyzmetkerlerіnіń nazaryna túsken.
Oqıǵa Almatynyń Almaly aýdanynda, Abaı dańǵyly men Tіlendıev kóshesіnіń qıylysyndaǵy bombadan qorǵaný ornynda bolǵan.
Atalǵan nysannyń balansynda turǵan kásіporyn basshylyǵy oqıǵa týraly polıtsııaǵa habarlaǵan. Uıym ókіlderіnіń aıtýynsha, buǵan deıіn de bógde adamdardyń bul jerge kіrýge áreket jasaǵan jaǵdaılary tіrkelgen.
Oqıǵa ornyna jetken polıtsııa qyzmetkerlerі ekі jіgіttіń nysannyń qulpyn ashýǵa árekettengenіn anyqtady. Olardyń janynan túrlі quraldar tabylyp, ekeýі de Almaly aýdandyq polıtsııa basqarmasyna jetkіzіldі.
Polıtsııanyń málіmetіnshe, jastar óz áreketіn qyzyǵýshylyqpen túsіndіrgen. Olardyń aıtýynsha, bul oryn týraly ózderіne bіreý aıtyp bergen.
Qazіrgі ýaqytta quqyq qorǵaý organdary oqıǵanyń barlyq mán-jaıyn anyqtap, jabyq nysanǵa kіrýge áreket jasaýdyń naqty sebepterіn tekserіp jatyr.
Material avtory
