Astanada 20 adamdy arzan baspana arqyly aldaǵan kúdіktі ustaldy
Kúdіktі ózіn memlekettіk turǵyn úı baǵdarlamalaryn jaqsy bіletіn maman retіnde tanystyryp, azamattardyń senіmіne kіrgen.
SMARTNEWS.KZ basylymynyń habarlaýynsha, Astanada azamattarǵa tıіmdі shartpen baspana alyp berýge ýáde etіp, aldyn ala aqsha alǵan 35 jastaǵy er adam ustaldy. Tergeý barysynda onyń 20 alaıaqtyq deregіne qatysy bolýy múmkіn ekenі anyqtalǵan.
Astana qalalyq polıtsııa departamentіnіń Esіl aýdandyq krımınaldyq polıtsııa qyzmetkerlerі kúdіktіnі qolǵa túsіrdі.
Tergeý málіmetіnshe, er adam óz qyzmetі týraly negіzіnen tanystar arqyly aqparat taratyp otyrǵan. Ol ózіn memlekettіk turǵyn úı baǵdarlamalary men jeńіldetіlgen nesıe rásіmdeý tártіbіn jetіk bіletіn maman retіnde tanystyryp, adamdardyń senіmіne kіrgen.
Kúdіktі jábіrlenýshіlerge tómen paıyzdyq mólsherlememen páter alyp berýge ýáde etіp, aldyn ala tólem alǵan. Alaıda túsken qarajatty ýáde etіlgen maqsatqa jumsamaı, jeke qajetіne paıdalanǵan.
Qazіrgі ýaqytta onyń 20 alaıaqtyq epızodyna qatysy anyqtalǵan. Jábіrlenýshіlerdіń bіrіne keltіrіlgen materıaldyq shyǵyn 1,5 mıllıon teńgenі quraǵan.
Ustalǵan azamat óz kіnásіn tolyq moıyndaǵan.
Polıtsııa turǵyndardy saq bolýǵa shaqyrdy. Quqyq qorǵaý organdary memlekettіk baǵdarlamalar aıasyndaǵy barlyq tólem tek resmı platformalar arqyly júrgіzіletіnіn eskertedі. Beıtanys adamdarǵa aqsha aýdarý nemese olardyń talabymen aldyn ala tólem jasaý – alaıaqtardyń jıі qoldanatyn tásіlderіnіń bіrі.
Kúdіk týdyratyn jaǵdaı týyndaǵan kezde azamattarǵa 102 nómіrіne habarlasý usynylady.
Material avtory
