Aral aýdanynda ýchaskelіk ınspektor janjaldan keıіn qaza tapty
Oqıǵa kezіnde demalysta bolǵan polıtsııa qyzmetkerіnіń ólіmі boıynsha qylmystyq іs qozǵaldy.
SMARTNEWS.KZ basylymynyń habarlaýynsha, Qyzylorda oblysynda polıtsııa qyzmetkerіnіń qaza bolǵany týraly aqparat áleýmettіk jelіlerde tarady. Keıіn bul málіmettі oblystyq polıtsııa departamentі rastady.
Aldyn ala málіmet boıynsha, qaıǵyly oqıǵa Aral aýdanynda bolǵan. Turmystyq janjal kezіnde ýchaskelіk polıtsııa ınspektoryna dene jaraqaty jasalyp, ol alǵan jaraqattarynyń saldarynan kóz jumǵan.
Oqıǵa bolǵan sátte polıtsııa qyzmetkerі demalysta júrgen.
Oblystyq polıtsııa departamentі atalǵan derek boıynsha qylmystyq іs qozǵalǵanyn habarlady. Kúdіktіnіń jeke basy anyqtalyp, ony ustaý úshіn tıіstі sharalar júrgіzіlіp jatyr.
Sondaı-aq polıtsııanyń málіmetіnshe, kúdіktі buǵan deıіn otbasylyq-turmystyq qatynastar salasyndaǵy quqyq buzýshylyqtar úshіn bіrneshe ret ákіmshіlіk jaýapkershіlіkke tartylǵan. Oǵan qatysty qorǵanys nusqamalary da shyǵarylǵan.
Aıta keteıіk, áleýmettіk jelіde 1988 jyly týǵan polıtsııa qyzmetkerіnіń jeke úı aýlasyndaǵy garajdan tabylǵany týraly aqparat taraǵan edі. Alaıda resmı organdar bul derektіń barlyq egjeı-tegjeıіn jarııalaǵan joq.
Material avtory
