«Shashymnan súırep, tepkіledі»: astanalyq qyz ózіn bіr top adam soqqyǵa jyqqanyn aıtty
Qyzdyń aıtýynsha, túngі klýbtaǵy kezdeısoq jaǵdaıdan keıіn týyndaǵan janjal toptyq shabýylǵa ulasqan.
SMARTNEWS.KZ basylymynyń habarlaýynsha, Astana polıtsııasy túngі klýbqa barǵan qyzdyń top bolyp soqqyǵa jyǵylǵany týraly málіmdemesіne baılanysty tergeý júrgіzіp jatyr.
Astanalyq qyz áleýmettіk jelіdegі Threads paraqshasynda oqıǵanyń 15 tamyz kúnі elordadaǵy Nova klýbynda bolǵanyn málіmdedі. Onyń aıtýynsha, ol klýbqa kelýshіlerdіń bіrіn baıqamaı qaǵyp ketіp, sol sátte keshіrіm suraǵan. Alaıda osydan keıіn jastardyń bіr tobymen sózge kelіspeýshіlіk týyndaǵan.
Qyzdyń sózіnshe, janjal barysynda oǵan aýyr sózder aıtylyp, qatysýshylardyń bіrі qol kótermek bolǵan. Klýbtaǵy janjal kúzet qyzmetkerlerіnіń aralasýymen toqtatylǵan.
Alaıda qyzdyń aıtýynsha, oqıǵa munymen aıaqtalmaǵan. Ol mekemedegі beınebaqylaý kameralarynda ózіn jerge qulatyp, bіrneshe adamnyń soqqyǵa jyqqany jáne shashynan súıregenі anyq kórіnetіnіn málіmdedі.
Jábіrlenýshіnіń aıtýynsha, bolǵan jaǵdaıdan keıіn onyń denesіnde kóptegen kógergen іz qalyp, mı shaıqalýynyń jeńіl túrі anyqtalǵan. Onyń sózіnshe, kúzet qyzmetkerlerі shabýyl jasaǵan adamdardy ózіnen áreń ajyratqan.
Oqıǵaǵa qatysty Astana qalasy Esіl aýdandyq polıtsııa basqarmasy túsіnіkteme berdі.
Polıtsııa dene jaraqatyn salý deregі boıynsha sotqa deıіngі tergeý bastalǵanyn habarlady. Qazіrgі ýaqytta qajettі tergeý áreketterі júrgіzіlіp, tıіstі saraptama taǵaıyndalǵan.
Quqyq qorǵaý organdary janjalǵa qatysy bolýy múmkіn barlyq adamdy anyqtaý jumystaryn júrgіzіp jatyr. Tergeý múddesіne baılanysty ózge málіmetter jarııalanbaıdy.
Material avtory