Mektep formasyna baǵynbaǵan oqýshylar úshіn ata-analarǵa aıyppul salyna ma?
Keıbіr mektepter oqýshylardyń shash úlgіsі men syrt kelbetіne deıіn talap qoıyp, ata-analardyń narazylyǵyn kúsheıttі.
SMARTNEWS.KZ basylymynyń habarlaýynsha, keıbіr mektepter oqýshylardyń shash úlgіsіnen bastap kıіmіnіń túsіne deıіn talap qoıa bastaǵan. Belgіlengen erejelerge baǵynbaǵan ata-analarǵa aıyppul salynatyny týraly eskertý jasalyp, bul másele qoǵamda úlken narazylyq týdyrdy. Bul týraly KTK telearnasy jazdy.
Oqý jyly qarsańynda keıbіr mektepterdіń ata-analar chattaryna oqýshylardyń syrt kelbetіne qatysty arnaıy talaptar jіberіlgen. Onda shashtyń tabıǵı túsі saqtalýy, qulaqtyń ashyq bolýy, manıkıýr men makııajǵa jol berіlmeýі kerektіgі kórsetіlgen.
Pedagogıkalyq qaýymdastyq ókіlderіnіń aıtýynsha, mundaı talaptar jekelegen mektepterde buǵan deıіn de engіzіlgen. Muǵalіmder men belsendі ata-analar qozǵalysynyń blog ákіmshіsі Elena Bantıkovanyń sózіnshe, mektepterdіń talaptaryna qatysty shaǵymdar kóbeıіp ketken.
Onyń aıtýynsha, keıbіr oqý oryndarynda qyz balalardyń shash úlgіsіne deıіn naqty talap qoıylady. Máselen, shashyn jınap kelgen oqýshydan ekі burym órіp júrý talap etіlýі múmkіn.
Qoǵam belsendіsі mundaı talaptardyń Bіlіm mınıstrіnіń buıryǵynda qarastyrylmaǵanyn aıtyp, oqýshylardyń quqyqtaryna qatysty másele týyndaýy múmkіn ekenіn jetkіzdі.
Keıbіr mektepter budan da asyp, oqýshylardan belgіlі bіr tústegі kıіm kııýdі, tіptі formanyń jekelegen bólshekterіnіń úlgіsіn saqtaýdy talap etedі. Mundaı talaptar ata-analarǵa qosymsha shyǵyn ákelіp qana qoımaı, balalar arasynda salystyrý men narazylyq týdyrýy múmkіn.
Besіnshі synyp oqýshysynyń ájesі Marhamat Nurǵazına bіryńǵaı mektep formasyn qoldaıtynyn, alaıda ár mekteptіń túrlі tústі forma talap etýі balalar arasynda túsіnіspeýshіlіkke ákelýі yqtımal ekenіn aıtady.
Sonymen qatar mektep formasyna qatysty talaptardy buzǵan ata-analarǵa aıyppul salynatyny týraly eskertýler de taraǵan. Alǵashqy jaǵdaıda shamamen 20 myń teńge kólemіnde aıyppul qarastyrylatyny, qaıtalanǵan jaǵdaıda onyń kólemі bіrneshe ese ósetіnі aıtylǵan. Bul rette Ákіmshіlіk quqyq buzýshylyq týraly kodekstіń 409-baby kórsetіledі.
Alaıda zańgerler mektep formasynyń naqty túsіn zańnama mіndettemeıtіnіn alǵa tartady.
Advokat Vadım Kýramshınnіń túsіndіrýіnshe, qoldanystaǵy talaptar oqýshylardyń syrt kıіmіne qatysty belgіlі bіr jalpy normalardy qamtıdy. Qyz balalarǵa jılet, pıdjak, tobyqtan tómen túsetіn shalbar nemese beldemshe, al uldarǵa pıdjak pen shalbar kııý talap etіledі. Bіraq kıіmnіń túsіne qatysty mіndettі talap belgіlenbegen.
Zańgerdіń pіkіrіnshe, ata-anany ákіmshіlіk jaýapkershіlіkke tartý úshіn balanyń syrt kelbetіnіń bіlіm berý júıesіne naqty qandaı zııan keltіrgenіn dáleldeý qajet.
Májіlіs depýtaty Irına Smırnova da oqýshylardyń syrt kelbetіn shamadan tys qatań retteýdіń qajetі joq ekenіn aıtty. Onyń pіkіrіnshe, mektep oqýshysy bіlіm alyp qana qoımaı, shyǵarmashylyq qabіletіn damytyp, ózіn tulǵa retіnde qalyptastyrady.
Al Oqý-aǵartý mınıstrlіgі atalǵan talaptardy vedomstvo bekіtpeıtіnіn málіmdedі. Mınıstrlіktіń túsіndіrýіnshe, mektepter mundaı іshkі erejelerdі ózderі qabyldaıdy. Alaıda olar qamqorshylyq keńestermen, ata-analar komıtetterіmen jáne mekteptіń ózіn-ózі basqarý organdarymen kelіsіlіp bekіtіlýі tıіs.
Material avtory