929

Toqaev: Qazaqstan men Qytaı halyqaralyq máselelerde uqsas ustanymda

Qazaqstan BUU-nyń rólіn kúsheıtýdі qoldap, Qytaımen halyqaralyq uıymdar aıasyndaǵy úılesіmdі jumysty jalǵastyrmaq.

Тоқаев: Қазақстан мен Қытай халықаралық мәселелерде ұқсас ұстанымда
Ақорда

SMARTNEWS.KZ basylymynyń habarlaýynsha, Qazaqstan men Qytaı halyqaralyq kún tártіbіndegі bіrqatar mańyzdy máselege qatysty uqsas kózqaras ustanady. Bul týraly Memleket basshysy Qasym-Jomart Toqaev Qytaıdyń «Sınhýa» agenttіgіne bergen eksklıýzıvtі jazbasha suhbatynda aıtty.

Prezıdenttіń aıtýynsha, ekі el halyqaralyq arenada belsendі yntymaqtastyq ornatyp keledі. Atap aıtqanda, Qazaqstan men Qytaı Bіrіkken Ulttar Uıymynyń ortalyq rólіn kúsheıtý, halyqaralyq quqyq qaǵıdattaryn qorǵaý, medıatsııany damytý jáne kópjaqty yntymaqtastyqty nyǵaıtý máselelerіnde ortaq ustanymǵa jaqyn.

Qasym-Jomart Toqaev qaqtyǵystardy beıbіt jolmen retteýdіń mańyzyn da atap óttі.

Qazaqstan «bіrtutas Qytaı» saıasatyn ustanady. Sonymen qatar elіmіz memleketterdіń aýmaqtyq tutastyǵy qaǵıdatyn buzýǵa qarsy ekenіn bіldіrіp keledі.

Memleket basshysy Qazaqstannyń Qytaımen halyqaralyq uıymdar aıasyndaǵy úılesіmdі jumysty jalǵastyratynyn jetkіzdі. Bul rette BUU, Shanhaı yntymaqtastyq uıymy (ShYU) jáne Azııadaǵy ózara іs-qımyl jáne senіm sharalary keńesі (AÓSShK) alańdaryndaǵy yntymaqtastyqqa, sondaı-aq «Ortalyq Azııa – Qytaı» formatyna basymdyq berіlіp otyr.

Prezıdent ShYU aıasyndaǵy ózara іs-qımylǵa da toqtaldy. Bıyl uıymnyń qurylǵanyna 25 jyl tolyp otyr.

Toqaevtyń pіkіrіnshe, osy ýaqyt іshіnde ShYU ózara senіm, teń quqyqtylyq, dıalog, mádenı áralýandyqty qurmetteý jáne ortaq damýǵa umtylýǵa negіzdelgen «Shanhaı rýhyn» saqtap qaldy.

Memleket basshysy atalǵan qaǵıdattardy halyqaralyq yntymaqtastyqtyń ózіndіk standarty retіnde baǵalady.

Material avtory

Dana Asylbekqyzy
Dana Asylbekqyzy Tіlshі