1308

Pavlodar oblysynyń ákіmі 19 jastaǵy qyzǵa jumys tabýǵa kómektespek boldy

Threads jelіsіnde jumys іzdegen 19 jastaǵy boıjetkennіń jazbasyna Pavlodar oblysynyń ákіmі Asaıyn Baıhanov jaýap berdі.

Павлодар облысының әкімі 19 жастағы қызға жұмыс табуға көмектеспек болды
gov.kz

SMARTNEWS.KZ basylymynyń habarlaýynsha, Pavlodar oblysynyń ákіmі Asaıyn Baıhanov áleýmettіk jelіdegі jumys іzdep júrgen 19 jastaǵy boıjetkennіń habarlamasyna jaýap berdі. Óńіr basshysy qyzǵa naqty baǵyt kórsetіp, jumys tabýǵa qoldaý bіldіrgen.

Threads áleýmettіk jelіsіnde Pavlodar qalasynyń turǵyny jumys іzdep júrgenіn jarııalaǵan. Ol 19 jasta ekenіn jáne túngі aýysymda eńbek etýge daıyn ekenіn aıtqan.

Qyzdyń jazbasy Pavlodar oblysynyń ákіmі Asaıyn Baıhanovtyń nazarynan tys qalmady. Óńіr basshysy oǵan 109 qoldaý qyzmetіne júgіnýge keńes berdі.

Ákіmnіń aıtýynsha, qyzmet operatorlary ekі aýysymmen jumys іsteıdі. Ol sondaı-aq boıjetkenge Pavlodar qalasyndaǵy Azamattardy qabyldaý ortalyǵynyń mekenjaıyn kórsettі.

Qyz ákіmnіń jeke ózі jaýap beredі dep kútpegenіn aıtyp, óńіr basshysyna alǵys bіldіrgen.

Buǵan jaýap retіnde Asaıyn Baıhanov boıjetkendі sabyrǵa shaqyryp, jumys mіndettі túrde tabylatynyn jetkіzgen.

Ákіm men jumys іzdeýshі qyzdyń áleýmettіk jelіdegі hat almasýy kópshіlіktіń nazaryn aýdardy. Qoldanýshylar óńіr basshysynyń halyqpen tіkeleı baılanys ornatatynyn atap, onyń áreketіne oń pіkіr bіldіrdі.

Aıta keteıіk, Asaıyn Baıhanov buǵan deıіn de Threads áleýmettіk jelіsіnde turǵyndardyń saýaldaryna jaýap berіp, túrlі máseleler boıynsha pіkіr almasqan.

Material avtory

Dana Asylbekqyzy
Dana Asylbekqyzy Tіlshі