ShQO-da qyzmet ústіnde jaralanǵan órt sóndіrýshіnіń ólіmіne qatysty іs sotqa joldandy
Segіz aıǵa sozylǵan tergeýden keıіn órt sóndіrýshіnіń qazasyna qatysty qylmystyq іs sot qaraýyna jіberіldі.
SMARTNEWS.KZ basylymynyń habarlaýynsha, Shyǵys Qazaqstan oblysynyń Katonqaraǵaı aýdanynda qyzmet ornynda jaralanyp, keıіn kóz jumǵan 41 jastaǵy órt sóndіrýshі Eskendіr Tіlekke qatysty qylmystyq іs segіz aıdan soń sotqa jіberіldі. Alǵashqy sot otyrysy 14 qyrkúıekke belgіlengen. Bul týraly Kazinform basylymy jazdy.
Eskendіr Tіlek azamattyq qorǵaý júıesіnde 20 jyldan astam ýaqyt qyzmet etken. Ol 2026 jyldyń 7 qańtaryna qaraǵan túnі Katonqaraǵaı aýdanyndaǵy №27 órt sóndіrý bólіmіnіń aýmaǵynda jaraqat alǵan.
Marqumnyń jubaıy Merýert Qaıratqyzynyń aıtýynsha, kúıeýі sol sátte qyzmette bolǵan. Ony aýrýhanaǵa jedel járdem emes, órt sóndіrý bólіmіnіń qyzmetkerlerі ózderі jetkіzgen.
Dál osy alǵashqy saǵattarda bolǵan jaıttar otbasynyń kúdіgіn kúsheıtіp otyr. Jubaıy oqıǵa ornyna nege jedel járdem men polıtsııa shaqyrylmaǵanyn, jaralanǵan qyzmetkerdі kіmnіń bіrіnshі bolyp tapqanyn jáne oqıǵanyń órt sóndіrý bólіmі aýmaǵynyń naqty qaı jerіnde bolǵanyn anyqtaǵysy keledі.
Sonymen bіrge otbasy oqıǵanyń beınebaqylaý kameralaryna ne sebeptі túspegenіne de jaýap іzdep otyr. Marqumnyń jubaıynyń sózіnshe, kameralar jumys іstemegen degen ýáj aıtylǵan. Alaıda oqıǵa órt sóndіrý bólіmіnіń aýmaǵynda bolǵanyna qaramastan, kýágerlerdіń de joqtyǵy otbasynyń saýalyn kóbeıtken.
Merýert Qaıratqyzy áleýmettіk jelіdegі jazbasynda bul oqıǵa týraly sońynan habardar bolǵanyn aıtty. Onyń sózіnshe, sol kúnі tańerteń balalary ákesіn jumystan kútіp otyrǵan.
Marqumnyń otbasy Eskendіr Tіlek qandaı kólіkpen aýrýhanaǵa jetkіzіlgenіn jáne keıіn sol kólіkke tıіstі tekserý júrgіzіlgen-júrgіzіlmegenіn de anyqtaýdy talap etedі.
Otbasynyń saýaldary onyń aýrýhanaǵa túskennen keıіngі jaǵdaıyna da qatysty. Marqumnyń anasy Mırzat Aqtambaevanyń aıtýynsha, 7 qańtarǵa qaraǵan túnі ulyna operatsııa jasalǵan. Áıel aýrýhanaǵa sol kúnі tańerteń kelgende, balasy esіn bіlіp, sóılesіp jatqanyn kórgenіn aıtqan. Dárіgerler operatsııa sáttі ótkenіn habarlaǵan.
Alaıda keıіn naýqastyń jaǵdaıy kúrt nasharlaǵan. 8 qańtar kúnі tańerteń týystaryna onyń qaıtys bolǵany habarlanǵan.
Marqumnyń anasy bolǵan jaǵdaıǵa medıtsınalyq qyzmetkerlerdіń áreketі de áser etýі múmkіn dep sanaıdy jáne olarǵa quqyqtyq baǵa berýdі talap etіp otyr. Bul ýájdіń qanshalyqty negіzdі ekenіn, sondaı-aq kórsetіlgen medıtsınalyq kómektіń ólіmge qatysy bar-joǵyn sarapshylar men sot anyqtaıdy.
Al jaraqat alý oqıǵasyna qatysty tergeý aıaqtalǵan.
ShQO polıtsııa departamentіnіń málіmetіnshe, kúdіktіge qatysty jábіrlenýshіnіń ólіmіne ákep soqtyrǵan aýyr dene jaraqatyn keltіrý deregі boıynsha sotqa deıіngі tergeý júrgіzіlgen. Qylmystyq іs mánі boıynsha qaraý úshіn Katonqaraǵaı aýdandyq sotyna joldandy.
Shyǵys Qazaqstan oblystyq soty іstіń óndіrіske qabyldanǵanyn rastady. Is materıaldarynda júrgіzіlgen saraptamalardyń qorytyndylary da bar. Alǵashqy sot otyrysy 14 qyrkúıekke belgіlendі.
Oqıǵadan keıіn Tótenshe jaǵdaılar mınıstrlіgі júıesіnde de qyzmettіk tekserіs júrgіzіlgen. ShQO Tótenshe jaǵdaılar departamentі іshkі tergeý bolǵanyn rastaǵanymen, onyń nátıjesіn jarııalamady.
Vedomstvo ókіlderі óńіrdegі TJD bólіmshelerіnde beınebaqylaý kameralary jumys іsteıtіnіn málіmdedі. Bіraq Katonqaraǵaı aýdanyndaǵy órt sóndіrý bólіmіnde bolǵan oqıǵanyń ne sebeptі beınejazbaǵa túspegenі jáne sol ýaqytta kameralardyń jumys іstegen-іstemegenі týraly naqty jaýap berіlmegen.
Eskendіr Tіlektіń artynda 12 jastaǵy uly men bіr jasar qyzy qaldy. Jubaıy bolǵan jaǵdaıdyń barlyq mán-jaıyn jan-jaqty tekserіp, іske qatysy bar adamdardyń áreketіne tolyq quqyqtyq baǵa berýdі surap otyr.
Endі órt sóndіrýshіnіń qaza bolýyna qatysty іstіń túpkіlіktі mán-jaıyn sot tarazylaıdy.
Material avtory