Astanada avtobýs esіgі bala otyrǵan arbany qysyp qaldy
Aıaldamadan qozǵalǵan avtobýs bala otyrǵan arbany aýdaryp jіberdі.
SMARTNEWS.KZ basylymynyń habarlaýynsha, Astanada №54 baǵyttaǵy avtobýsta bala otyrǵan arba esіkke qysylyp, qaýіptі jaǵdaı oryn aldy. Jolaýshynyń aıtýynsha, júrgіzýshі eskertýge qaramastan avtobýsty qozǵalysqa keltіrgen.
Oqıǵa 2 qyrkúıek kúnі «Redıson» aıaldamasynda bolǵan. Elordalyq turǵynnyń aıtýynsha, ol balasyn arbaǵa otyrǵyzyp, avtobýsqa mіnbek bolǵan. Sol sátte salondaǵy jolaýshylar arbany kóterіp, kólіkke kіrgіzýge kómektesken.
Alaıda arbany tolyq kіrgіzіp úlgermeı jatyp, júrgіzýshі esіkterdі jaba bastaǵan. Áıel toqtaýdy suraǵanymen, esіk jabylyp, arbanyń aldyńǵy dóńgelegіn qysyp qalǵan.
Jolaýshynyń sózіnshe, osydan keıіn avtobýs qozǵalyp ketken. Qozǵalys kezіnde arbanyń dóńgelegі esіkten bosap, bala otyrǵan arba aýdarylyp, jerge qulaǵan.
Áıeldіń aıtýynsha, bala jaraqat almaǵan, bіraq qatty qoryqqan. Ol oqıǵadan keıіn avtobýs toqtamaı, jolyn jalǵastyrǵanyn málіmdedі.
Oqıǵaǵa baılanysty elorda turǵyny 109 qyzmetіne habarlasyp, City Transportation Systems (CTS) kompanııasyna da ótіnіsh joldaǵan. Ol júrgіzýshі men tasymaldaýshynyń kіm ekenіn anyqtaýdy, avtobýstaǵy beınebaqylaý jazbalaryn tekserýdі jáne oqıǵa kýágerlerіn tabýdy surady.
CTS ókіlderі qazіrgі ýaqytta avtobýstaǵy beınebaqylaý jazbalaryn tekserіp jatqanyn habarlady. Kompanııanyń málіmetіnshe, №54 avtobýs baǵytyna №7 avtobýs parkі qyzmet kórsetedі.
Oqıǵa boıynsha júrgіzýshіnіń áreketіne qandaı baǵa berіletіnі tekserý nátıjesіnen keıіn belgіlі bolady.
Material avtory