958

Kókshetaýda ákesі men qyzy esіrtkі qylmysy úshіn sottaldy

20 jastaǵy qyz ben onyń ákesі sıntetıkalyq esіrtkі taratqan.

Көкшетауда әкесі мен қызы есірткі қылмысы үшін сотталды
әлеуметтік желіден

SMARTNEWS.KZ basylymynyń habarlaýynsha, Kókshetaýda ákesі men qyzy sıntetıkalyq esіrtkіnі zańsyz satyp alyp, saqtap jáne taratqany úshіn sottaldy.

Tergeý málіmetіnshe, sáýіr aıynda Kókshetaýdyń 20 jastaǵy turǵyny asa іrі kólemde psıhotroptyq zatty zańsyz satyp alǵan. Osydan keıіn kóp uzamaı ol esіrtkі qylmysyna qarsy polıtsııa qyzmetkerlerіnіń nazaryna іlіkken.

Tergeý barysynda qyzdyń ákesі de zańsyz іske aralasqany anyqtalǵan. Resmı jumysy bolmaǵan er adam áleýmettіk jelіden aqsha tabý týraly habarlandyrý taýyp, esіrtkі salynǵan jasyryn oryndarǵa jetkіzýshі bolýǵa kelіsken.

Er adamnyń bul áreketі polıtsııa operatsııasy kezіnde toqtatyldy. Ol qylmys ústіnde ustalyp, odan sıntetıkalyq esіrtkі salynǵan 30 býma tárkіlendі.

Sot ekі qylmystyq іstі qarap, ákesі men qyzyn kіnálі dep tanydy. Shіlde aıynda alty kún aralyqpen olarǵa qatysty aıyptaý úkіmderі shyǵarylǵan.

20 jastaǵy qyzǵa bastapqyda tórt jyl bas bostandyǵynan aıyrý jazasy taǵaıyndaldy. Alaıda raqymshylyq týraly zań qoldanylyp, onyń jazasy ekі jyl segіz aıǵa deıіn qysqartyldy.

Al ákesіne sot bes jyl tórt aı bas bostandyǵynan aıyrý jazasyn belgіledі. Sonymen qatar er adamnyń jesіr ekenі jáne kámeletke tolmaǵan balasyn jalǵyz ózі tárbıelep otyrǵany eskerіlіp, sot jazany oryndaýdy úsh jylǵa keıіnge qaldyrdy.

Material avtory

Aısa Mahambet
Aısa Mahambet Redaktor