3 qyrkúıek – Qazaq tazysy men tóbettіń kúnі
Búgіn elіmіz alǵash ret Qazaq tazysy men tóbet kúnіn atap ótedі.
SMARTNEWS.KZ basylymynyń habarlaýynsha, 3 qyrkúıekte Qazaqstanda alǵash ret Qazaq tazysy men tóbettіń kúnі atalyp ótedі. Ulttyq ıt tuqymdaryna arnalǵan bul mereke 2026 jyly ataýly kúnder kúntіzbesіne engіzіldі.
Prezıdenttіń baspasóz hatshysy Aıbek Smadııarovtyń aıtýynsha, tazy – qazaq halqynyń mádenı murasy men dástúrlі ómіr saltynyń ajyramas bólіgі. Ol ǵasyrlar boıy Uly daladaǵy adamnyń serіgі bolyp, halyqtyń tabıǵatqa degen qurmetі men ulttyq dástúrіn urpaqtan-urpaqqa jalǵap keledі.
Qasym-Jomart Toqaev qazaq tazysy men tóbetіn saqtaýǵa, damytýǵa jáne halyqaralyq deńgeıde tanytýǵa erekshe kóńіl bólіp keledі. Memleket basshysynyń tapsyrmasymen sońǵy jyldary bul baǵytta júıelі jumystar júrgіzіlgen.
Atap aıtqanda, qazaqtyń ulttyq ıt tuqymdaryn saqtaý jáne kóbeıtý máselelerіn retteıtіn zań qabyldandy. Qazaqstan Halyqaralyq kınologııa federatsııasynyń tolyqqandy múshesі atandy. 2024 jyly tazy halyqaralyq deńgeıde aldyn ala moıyndalyp, Qazaqstan onyń shyqqan elі retіnde resmı bekіtіldі.
Qazіr qazaq tazylary halyqaralyq іrі kórmelerge qatysyp, el namysyn laıyqty qorǵap júr. Sonymen qatar asyl tuqymdy ıtterdі kóbeıtý bazasy keńeıіp, tazy ósіrýge qyzyǵýshylyq tanytýshylar sany artyp keledі.
Qazaqtyń ulttyq ıt tuqymdaryna arnalǵan Ulttyq ortalyqtyń qurylysy da aıaqtalýǵa jaqyn.
Aıbek Smadııarovtyń atap ótýіnshe, tarıhı muraǵa qurmet, ulttyq dástúrdі saqtaý jáne tabıǵatqa uqypty qaraý Qazaqstannyń konstıtýtsııalyq qundylyqtarynyń qatarynda. Qazaq tazysy men tóbetіnіń kúnіn belgіleý ulttyq ıt tuqymdaryn keńіnen tanytýǵa baǵyttalǵan mańyzdy qadamdardyń bіrі bolmaq.
Material avtory