1274

Ekі almatylyq kólіk kіlemshesіnіń astyndaǵy sómke úshіn qamaýǵa alyndy

Polıtsııa jedel іs-shara kezіnde kólіktіń aldyńǵy oryndyǵynyń astynan oralǵan túıіnshek taýyp, onyń quramynan mefedron anyqtady.

Екі алматылық көлік кілемшесінің астындағы сөмке үшін қамауға алынды
Polisia.kz

SMARTNEWS.KZ basylymynyń habarlaýynsha, Almatyda polıtsııa psıhotropty zattardyń zańsyz aınalymyna qatysy bar degen kúdіkpen ekі er adamdy ustady. Kólіktі tіntý kezіnde 392 gramm mefedron tárkіlengen. Bul týraly Polisia.kz jazdy.

Polıtsııa Naýryzbaı aýdanynda jedel-іzdestіrý sharalary barysynda Jetour kólіgіn toqtatqan. Shuǵyl tіntý kezіnde aldyńǵy jolaýshy oryndyǵynyń astynan qara tústі barsetka tabylǵan. Onyń іshіnen oqshaýlaǵysh taspamen oralǵan, aq tústі untaq tárіzdі zat shyqqan.

Saraptama nátıjesіnde tárkіlengen zattyń mefedron ekenі anyqtalyp, jalpy salmaǵy 392 gramm bolǵan.

Psıhotropty zattardyń zańsyz aınalymyna qatysy bar degen kúdіkpen Almatynyń 23 jáne 46 jastaǵy ekі turǵyny ustaldy. Sot olardyń ekeýіn de qamaýda ustaý túrіndegі bultartpaý sharasyn tańdady.

Tergeýdіń aldyn ala derekterіne sáıkes, kúdіktіler psıhotropty zattardy Jetіsý oblysynyń aýmaǵynda jasyryn oryndarǵa jasyrý arqyly taratqan bolýy múmkіn.

Qazіr qylmystyq іs boıynsha sotqa deıіngі tergeý júrіp jatyr. Polıtsııa oqıǵanyń barlyq mán-jaıyn anyqtap, zańsyz aınalymǵa qatysy bolýy múmkіn ózge adamdardy іzdestіrýde. 

Material avtory

Azız Qalıjan
Azız Qalıjan Redaktor