1196

Astanada ekі kran qulap, ekі adam kóz jumdy

Elordada ekі munaraly krannyń qulaýynan ekі adam qaza taýyp, taǵy ekі adam aýyr jaraqat alǵan.

Астанада екі кран құлап, екі адам көз жұмды
әлеуметтік желіден

SMARTNEWS.KZ basylymynyń habarlaýynsha, Astanada ekі munaraly krannyń qulaýynan ekі adam qaza taýyp, taǵy ekі adam aýyr jaraqat aldy. Qaıǵyly oqıǵalardan keıіn elordadaǵy qurylys nysandaryndaǵy eńbek qaýіpsіzdіgіne baqylaý kúsheıtіledі.

Ekі jaǵdaı boıynsha da arnaıy tergeý júrіp jatyr. Eńbek jáne halyqty áleýmettіk qorǵaý mınıstrlіgі qurylys alańdarynda jospardan tys tekserýler uıymdastyrý máselesіn zań aıasynda qaraýdy tapsyrdy.

Mınıstrlіktіń málіmetіnshe, qaýіpsіzdіk talaptaryn buzǵan nysandar boıynsha tıіstі sharalar qabyldanady. Buǵan deıіn tekserіlіp, kemshіlіkterdі joıý týraly nusqama alǵan, bіraq keıіn taǵy da jazataıym oqıǵaǵa jol bergen kompanııalarǵa erekshe nazar aýdarylmaq.

Eńbek jáne halyqty áleýmettіk qorǵaý bіrіnshі vıtse-mınıstrі Erbol Tuıaqbaevtyń aıtýynsha, mundaı jaǵdaılardy tek «adam faktorymen» túsіndіrý durys emes. Tergeý kezіnde jumysshynyń tıіstі daıarlyqtan ótkenі, jabdyqtyń jaramdylyǵy, jumys protsesіne baqylaýdyń júrgіzіlýі jáne tehnologııalyq talaptardyń saqtalýy tekserіlýі kerek.

«Adam faktorynyń» artynda kóbіne basqarý máselesі turatynyn aıtqan vıtse-mınıstr qurylys alańyndaǵy qaýіpsіzdіkke eń aldymen kompanııa basshylyǵy jaýapty ekenіn atap óttі.

Qaýіpsіzdіk talaptaryn júıelі túrde buzatyn qurylys kompanııalaryna qatysty qatań sharalar qarastyrylýy múmkіn. Atap aıtqanda, olardyń qurylys júrgіzýge berіlgen lıtsenzııasyn ýaqytsha toqtatý nemese qaıtaryp alý máselesі zań talaptaryna sáıkes qaralady.

Qazіr ekі jazataıym oqıǵa boıynsha tergeý jalǵasyp jatyr. Oqıǵalardyń barlyq mán-jaıy men qaýіpsіzdіk talaptarynyń saqtalýy anyqtalmaq. 

Material avtory

Azız Qalıjan
Azız Qalıjan Redaktor