Tarazda jyl basynan berі 75 oqýshy úıіnen qashyp ketken
Tarazda sońǵy 5 jyl іshіnde qylmys sany ekі esege deıіn azaıǵan. Al, jyl basynan berі 31 paıyzǵa tómendegen, dep habarlaıdy smartnews.kz saıty.
Degenmen, jaýapty mamandardyń málіmetіnshe, jasóspіrіmder arasyndaǵy jaǵdaı álі de alańdatarlyq. Sebebі, Tarazda 4 aı іshіnde 12-14 jas aralyǵyndaǵy 75 mektep oqýshysy úıіnen qashyp ketken, 16 jasqa tolmaǵandar arasynda jynystyq qatynasqa túsý faktіsі 150 paıyzǵa kóbeıgen,
Taraz qalasynyń prokýrory Nurjan Boranbaevtyń aıtýynsha, úılerіnen qashqan jetkіnshekterdіń 44-і qyz bala bolsa, 31-і ul. Jalpy, Taraz qalalyq polıtsııa basqarmasynyń profılaktıkalyq esebіnde 161 kámeletke tolmaǵan jasóspіrіm tur.
Jambyl oblysynyń prokýrory Nurǵalym Ábdіrovtіń tóraǵalyǵymen «Taraz – qaýіpsіz qala» jobasynyń іske asyrylý nátıjesі qaralǵan jıynda, sonymen qatar, Taraz qalasynyń ákіmі Baqytjan Orynbekov, qalalyq bіlіm bólіmіnіń basshysy Raýshan Qojamjarova atalmysh másele tóńіregіnde atqarylyp jatqan jumystar boıynsha esep berdі.