«Shashy jylqynyń jalyndaı»: Reseılіk blogerdіń qazaq qyzdary týraly sózі jelіde daý týǵyzdy

SMARTNEWS.KZ basylymynyń habarlaýynsha, reseılіk TikTok blogerіnіń Almatyda júrgen kezіnde qazaq qyzdarynyń syrt kelbetі men shashyna qatysty aıtqan pіkіrі áleýmettіk jelіde qyzý talqylanyp jatyr. Bloger uzyn shashty jylqynyń jalyna uqsatyp, óz oıyn jetkіzgen. Bul týraly NewTimes.kz aqparat agenttіgі jazdy.

Vıdeo astynda qoldanýshylardyń pіkіrі ekіge bólіndі. Bіr tarap blogerdіń sózіn orynsyz árі qorlaý retіnde baǵalap, ony zań aıasynda jaýapqa tartýdy usyndy.

Al ekіnshі tarap onyń eshkіmdі ádeıі kemsіtýdі kózdemegenіn aıtyp, blogerdіń qazaq qyzdarynyń uzyn árі qalyń shashyn maqtaǵysy kelgenіn alǵa tartty. Keıbіrі sózdі durys tańdaı almaǵanymen, jalpy kontekstke qaraý qajet ekenіn jazdy.

Jelі qoldanýshylarynyń bіr bólіgі blogerdіń Almaty týraly jalpy pіkіrі oń bolǵanyn atap óttі. Onyń vıdeosynda qala, aýa raıy, joldar, jergіlіktі turǵyndar men qalalyq ınfraqurylym jaıly jaqsy pіkіrler aıtylǵany jazyldy.

Taǵy bіr top qoldanýshy jylqynyń qazaq mádenıetіndegі erekshe ornyna nazar aýdardy. Olardyń pіkіrіnshe, bloger shashty jylqynyń jalyna teńeý arqyly qalyń árі kórkem shashty meńzegen bolýy múmkіn jáne munda ádeıі kemsіtý nıetі bolmaýy yqtımal.

Osylaısha, blogerdіń bіr aýyz sózі áleýmettіk jelіde túrlі pіkіrge sebep boldy. Bіrі ony orynsyz salystyrý dep baǵalasa, endі bіrі sátsіz tańdalǵan sóz ǵana dep esepteıdі.