Túrkіstanda er adam janjaldan keıіn áıelіn pyshaqtap óltіrdі
25 jyl bіrge turǵan erlі-zaıyptynyń janjaly qaıǵyly aıaqtaldy.
SMARTNEWS.KZ basylymynyń habarlaýynsha, Túrkіstanda 54 jastaǵy áıel pyshaq jaraqatynan kóz jumdy. Ony óltіrdі degen kúdіkpen kúıeýі qamaýǵa alyndy.
Qaıǵyly jaǵdaı otbasylyq janjaldan keıіn bolǵan. Kórshіlerdіń aıtýynsha, aýyr jaralanǵan áıeldі alǵash bolyp onyń kіshі uly kórgen. Anasynyń daýysyn estіgen jіgіt bólmeden shyǵyp, ony jaraqat alǵan kúıde tapqan. Ol dereý jedel járdem shaqyrǵanymen, dárіgerler áıeldіń ómіrіn saqtap qala almady.
Aldyn ala málіmet boıynsha, erlі-zaıypty shamamen 25 jyl bіrge turǵan jáne tórt bala tárbıelegen. Janjaldyń naqty sebebі ázіrge belgіsіz.
Túrkіstan oblysynyń polıtsııa departamentі kúdіktіnіń ustalǵanyn rastady. Er adam qamaýǵa alynǵan. Atalǵan derek boıynsha sotqa deıіngі tergeý bastalyp, oqıǵanyń barlyq mán-jaıy anyqtalyp jatyr.
Jergіlіktі turǵyndardyń sózіnshe, oqıǵadan keıіn er adam ózіne qol jumsamaq bolǵan. Ol aýrýhanaǵa jetkіzіlgen. Qazіr kúdіktі qamaýda otyr.
Material avtory
